समय खराब हुँदैन । मान्छेको सङ्गतले समय खराब बनाइदिने रहेछन् । सतर्क हुनुहोला ।

कहीँकतै पाखामा फूलेका फूलहरू पनि तिम्रा गमलामा फूलेका फूलहरूभन्दा सुन्दर हुन सक्छन् । परिवेशभन्दा क्षमता शक्तिशाली हुन्छ । हेक्का राखौँ ।

जीवनमा सँधै हरियाली मात्रै कहाँ सम्भव छ र ? रुखजस्तै तिमी हामी पनि सुक्नु छ एकदिन ।

रहरहरू पनि माकुराको जिन्दगीजस्तै भए । आफ्नै बच्चाले माउलाई सक्काइदिएझैँ मेरा रहर सक्काइरहेछन् मेरै आफन्तहरूले ।

😊

पोल्दैन र ? जुन घरले तिमीलाई परिचय दियो सदस्य बनायो त्यही घरको पाहुना बनेर बनिरहेका छौ तिमी आज छिमेकीको सदस्य तिमीलाई पोल्दैन र ?

तिमी जुन हाँगो टेकेर जुन डालो समातेर पुग्यौ सफलताको टुप्पोमा चाउरिएका छन्,सुकेका छन्,भाँचिएका छन् ती निस्वार्थी हाँगा डाला आज कारण बिर्सिएका छौ तिमीले आफ्नो अतीत तिमीलाई पोल्दैन र ?

तिमीले देखेका सबै सपनाहरू पूरा हुनैपर्छ भन्ने छैनन् । हिँडेका सबै सवारीहरू कहाँ गन्तव्यमै पुग्न पाउँछन् र ? कहिलेकाहीँ बाढीले बगाइदिन सक्छ । पहिरोले पुरिदिन सक्छ ।

आफ्नै पैतालामा हिडेका मानिसहरूझैँ खुसी अरुको पैतालामा घिस्रिनेहरू हुँदैनन् ।

हामी वर्ग हेरेर साथी बनाउँदैनौँ । मन हेरेर बनाउँछौँ ।

जब विश्वासका पर्खालहरू भत्किँदै गए तब अनिद्रा र छटपटीहरू बढ्दै गए । 😥

जीवनमा तिता यादहरू मात्रै पनि त हुँदैनन् नि । मिठा सम्झना पनि हुन्छन् । बेकारमा हामी फाल्नुपर्ने चिज अँगालो हाल्छौँ । अँगाल्नुपर्नेलाई फालिदिन्छौँ ।

कसैले प्रेम गर्छन् । कसैले गरेझैँ गर्छन् । यही 'गर्छन्' र 'गरेझैँ गर्छन्' चिन्न सकियो भने जीवन 'सरल' हुन्छ ।

Some people love. Some people act as if they love. If you can distinguish between this 'love' and 'act as if they love,' life becomes 'simple.'

स्वाभिमानीले 'पसिना' बेच्छ । अभिमानीले 'अस्तित्व' बेच्छ ।

The self-respecting sell 'sweat'. The arrogant sell 'existence'.

जङ्गलमा फूलेका फूलहरूलाई मालीको आवश्यकता पर्दैन । प्रकृति नै उसको सबथोक हो ।

खासमा सोचेँझै जीवन चल्थ्यो त संसारमा सङ्घर्ष-सफलता, दुःख-सुखजस्ता पदावली कुनै शब्दकोषहरूमा भेटिदैनथ्यो होला ।

समयले परदेश पठायो ।