ابشروا بالفوز ياقحطان اللي فالصورة مايقرب منقية وتذب الريع

اللي يقولون ليه يرد فيها هوا قومها وسع خدتها وطول سبالها مهيب زقما تشرب من البيالة يدخل الهواء ويظهر مادرت به وللمعلومية شفنا بكار مع منافسين ابن جخدب على طقتها بخصوص الهوا

اخوي عبدالله البل تبي يابس بلايل ماتصلح للي راكبة شحوم ودهون لأنة لفت انتباهي( رجل أعمال ومالك أبل )

ابو منير خشمً طيب واعلامي مميز واتعب عمرة طيلة فترة المهرجان لينقل لنا الأحداث أول بأول لذلك له من عندي هدية يحبها قلبة ( ذبيحة ثلاجة مقطعة جاهزة ) جمال بن منير

حنا جنوبات ياتركي ماحنا من ذوات الدم البارد

دق وكنها جل ضلعان القطب الشمالي تمشي في صيهد منيف والسلطة ماقصر وفاز بالعلم الغانم والحضور الطيب والمقام اللي يجمل لاكن بكار التويجري مهيب موردته الأول

لا شافها المنافس يعوي ويرجع

أحسنت أضم صوتي لصوتك وأضف على كلامك أتمنى من الرجال مايجسد شخصية طير ابن برمان ياخذ الداب من بطن الشعيب ويحذفة في حضن ابن عمه ثم يوقع على العوسجه ويشوف وش الله بيسوي به

ابن رخيص يصرح لجاهيرة الغفيرة ويقول( المارية الغفلة ) يابعد حيي

شاعرنا الكبير جراح الهبيدة نبي بيتين في اخو ميثاء على ذا الصورة الشاعر جراح الهبيده

البكار ذي كفو وهي مع خبة والدبق تشعاه المربعانية مقفية والشبط معطيتك وجهها بس ما تنافس على الأول ولا الثاني ولا الثالث عظاها دقاق وروسها خفاف والمزاين يبي جبر جبر

ألف مبروك لابو ناصر فوزة بأفضل كشخة في صالة الملاك #شلفا_ولي_العهد_الوضح

أسمة السلطة وجيناه بالسلطة 👇 #شلفا_ولي_العهد_الوضح

السلطة ١- ساق الملايين في الويضحان وقلط بها لأصعب شوط ٢_احتسى لضيوفه بأكبر مخيم فالصياهد ٣- حط عيال العشاير وعيال الضان على الصياني كرامة لربعة واللي معهم من الأجناب ٤- تبرع بالجائزة لعتق رقبة انت مكسب حقيقي للمزاين ولكل نبيل طبت وطابت مساعيك يبو ناصر

ابن عميد تقول انا ابارك لفهد فقط وفهد يستاهل مافيه شك لاكن ترى محمد اخو فهد شالح اخو الفديع بخيت اخو شليويح عقاب اخو حجاب والدرب واحد والشان واحد والمال واحد والاسم واحد حبيت أوضح لك بما أنه ينقصك العرف إضاءة هذا أبوها اللي سماها👇 مطلق بن عميد

اللي فالصورتين هم تعريّف النبل واحد تهكم عليه شخص ومع ذلك وقف معه في موضوع معين علشان مايطلع بمنظر محرج امام ربعه والثاني شاف أعضاء المجلس اخذو جوايز ماعدا واحد واهداه قعود من المنقية

يقولون ضحايا الدبوس واجد وانا اقول ضحايا الدبوس ذا الثنين ولا غيرهم احد

عيب ! الكلام الرخيص اللي تقولونه مايرخص لسانه الا الساقط العايب : اما خصومة شرف ذربه ومصيونه ولا بلاش الكلام العاطل السايب : المملكة دونها الارواح مرهونه وتاريخها ماهو مغيبّ ولا غايب : حكامها معقل التاريخ وحصونه ماياصل فعولهم حاكم ولا نايب : على العرب وامّة التوحيد مامونه

اقول ياشعار جوزو عن الغنى وإلا ابدعوا قافً على ذا النوع