جروح الوله ما تستر أعراضها .. بـ ثياب لو إنك !.. قدرت تخش دمعك بـ نظاره غلاها لو تطول المشاعر : على الإسهاب أحفظه مثل حفظ السنافي .. لـ مقداره يطول الحديث الذرب مع صوتها الجذّاب و لو ينتهي .. وش يمنع نعيد تكراره ؟

يجيبك الصبح ،، كان الليل ما جابك الصبح صادق ،، و عين الليل كذابه

السنه هذي على كثر المصايب والمضرّه ماقطع ربي رجانا فـ الخيال ، وفـ المناشي امنعونا .. ، يا مدوّرة العلوم من التشرّه ! وأكرمونا بالسكوت وبالثبات وبالتماشي

يموت الفطين اللي معه معرفه وأحساس ويعيش البليد .. اللي تعايش مع جهله

في هواك العذب يالترف الحياوي صابني .ما صاب قيس بن .الملوّح

بغيت المواصل لكن الوقت طبعه شين تحايلت ابي شـوفه ،،، ولا فادت الحيله

أحسب إنك تيمّم بتجاهي وين مايممّت أثر لانت ب وراي بالطريق ولا أنت قدامي

عن قبالٍ يسرق الالباب .. ماني بـ متخلّي ناسلٍ روحي على متنك مثل نسل الجديله ㅤ فدوة الطرف الكحيل و فدوة الغمازه اللي ضاميه من مبسمك ولَا روَت من سلسبيله ㅤ إن ضحكت تْعلّم الأزهار و شلون التجلّي وإن بكيت تْساوي النفس القويه بـ الذليله

حمدتك على خير وحمدتك على مكروه وسبحانك اللي لا ألتجى عبدك أنصفته

لا تبلّغني عليك الله من الذكرى رسالة لو نعيش بـ طاري اللي راح ما والله نسلى خل ماضينا القراح اللي شربنا من زلاله مملٍ بـ إن الليال المقبلات " أرق وأحلى "

ياما ورى بعض ابتسامات الوجيه « خواطرٍ ، جار الزمان و كسرها » .

مامثل الحبيب الى صفا الودّ من يمّه يصايد هواك منين ماهب ذعذاعه

جاوبي صوت الغرام اليا ظهر فـ عيوني عاشقك ،، مهما يواجه ما يواجه شوقه

من لبس وقت الرخا ثوب الرفيق الطيّب بكره يوقف تحت شمس التجارب ، عاري

تنمحي الذكرى مع الوقت وتسجّ القلوب يَ كثيـريـن التـردد ،،، على درب الغيـاب

بعد الفراق اللي مثل واهج النار ما عاد لي في باقي الحب عازه فقدت من يدرّا على القلب ويغار وحبه ورى حدب الضلوع أرتكازه " الحب من فرقاه خليته يسار وسلمت تسليمة صلاة الجنازه "

استغفرالله العظِيم واتُوب إليه

بين حُب الجواب و بين كُره السؤال القلب لو تاه ماينزل عليه الوحي لازلت قدّ الفراق و قدّ حلو الوصال لو المفارق مصيبه و الوصال أريحي يازين والطق في موت المشاعر حلال إلى متى و أنت لا مقبل ولا منتحي ؟ يامقربك لو دعيتك بس كلمة تعال أثقل على خاطري من حاجة المستحي

لا اهتز غصن الغلا طارت عصافيره و الحـب طيرٍ إلى من طار ما وقع من راح جاء في مكانه واحدٍ غيره ما له على القلب عندي عقدٍ موقع

ضيّقوك وجابو أقصاك يالصدر الرحوب كل ما راحو وعادو على نفس السؤال ! _ جابر النشيرا