صباح الخير ، أمّا بعد : "غرّد الصبح و استاق الفرح والتهاني كن مطلّع صباح اليوم مطلع قصيدة"

مشبعٍ نفسي من العز من يومي صغير لين صارت تكره اللي يجي بـ مْحايله إنصياعي للملذّات .. لو انّي فقير مايعذّرني من اسمي ولا اسم العايله - عبدالله السراهيد

أدوّر لجرحك من يدين الطبيب ضْماد وأثر مايضمِّد جرحك إلا سكاكينه أنا قبل أعرفك كان قلبي عيوف وصاد وبعدك ماصرت أعرف غير الله يعينه لكن الله اللي مكَّنك والله اللي راد " تخلَّينه يحب الحياة .. وتخلَّينه " - عويّد النجود

الهروب احيان نوع من انواع النضَال لاوطت رجلك طريق الضياع السرمديّ - سعود بن مبارك

وترى بنت الحصان النادره ماتقبل التهجين " وخيّالٍ مايملى عينها ؟ ماهوب عاسفها " - سعود مبارك

نصيت بابك بضعفي كنّي اللي نصوك نفحات عفّوك ، نمد كْفوفنا صوبها يا مالك المُلك يا اللي من عبيدك ملوك ولامرك تذاعن ملوك الأرض وشْعوبها أجيك بذنوبي اللي كنّها إبلٍ بروك واطلبك تغفر خطايا الناس وذْنوبها - عبدالله آل لزيوح

تجاهلت واقع معطياتي ورحت اعيش على اضغاث حلمٍ داري إنّ ماهو بحاصل - صالح النشيرا

جعلني قدّام لا يفلت لساني تْخطفني كفّ جلاب المنيّه - محمد الشمالي

من بغى ياخذ على راحة أعصابه ضمان؟ أنصحه .. لا عاد يشفق على مستقبله - علي آل صبيح

لا صار الوجه قدام المسيّر ما يشعشع نور تعاف النفس صافي دلّته لو هي على فاقه - عويد النجود

صباح الخير ، أمّا بعد : تصبح الدنيا واهلها على شمس الصباح وانت شوفك صبح ثاني .. وشمسٍ ثانيه - ناصر بن هندي

لو تلوي الدنيا سواعدنا لَوي ماتدخل السَكين بين جنوبنا - مدغم ابو شيبه

لازلّت الفزعه عن الماقف الحار وقت الرخاء كل حكيم برأيه - بدر الحويفي

مابعد قفّا المقفي وقلنا له تعال من بغا الصدّه يبيّن علمها ومْخَدوم - سلطان بن عباس

عندي ان اللي يكرر زلّته ماهو بغالي خُص لا حاول يبرهنها وحاول يعتمدها يارفيقي لاتقول ادمح وصُد ولاتبالي قد دمحت الاوله والثانيه ؛ واللي بعدها راحت وتكرم بها لكن على قول الشمالي كان فأمك خير والا انك ولد رجال عدها

ما تحرى غير نور الصبح يعتقني شعاعه ما لفصل الصيف فضل إلا لياليه القصيره - جابر النشيرا

وداع الربوع وسالفتنا ضحى الأثنين ما أعلم بها لو أن الأجرب على رقبتي - منيف الجرّاش

اللهم صلِّ وسلم على سيدنا محمد

من قسوة اللي حصل في ليلة البارح أدوّر الشمس مثل مدوّر الفزعه