ِ ِ طمن فؤادك اللي كان لي به حضور لا صدفني ف أنا مسلم وعابر سبيل " والسلام النبيه اللي حذفته عبور ما أنتظرتك ترده جعل حالك جميل " كنت أسلم على قبر الغلاء والشعور غير دورة الأجر ما كنت إدور حصيل لأني أعرفك أنت وساكنين القبور هجركم ما يجوز وردكم مستحيل ِ ِ

ِ ِ أنا لي ايام .. و انا خاطري لك عليه و لا عاد لي مع ملذات الحياة معدا لا شفت لي ضول ناس احاول ابعد ماجيه و تحدني حشمة اصحابي ، وآلبي الندا واليا ابتدوا بالسوالف صرت اشوف الوجيه مشاهدٍ صامته .. لا صوت و لا صدى .. ِ ِ

ِ ِ يالله لاتورينا الجفا في عيون صحيب ولا ضحكة الشّامت ولا هرجت المنّه لـا قَفّت مجاهيمٍ عليها مزاهب طـيب يـالله فـي مـغاتـيرٍ تـدخلنّي الجنّة ِ ِ

ِ ِ اتظاهر بـ قوّي في الظروف القويه وابتسم رغم حرماني وقو احتياجي ㅤㅤㅤㅤㅤ ليت قلبي حديد وليت نفسي جريّه في مواجه مقادير الزمن الازدواجي ㅤㅤㅤㅤㅤ صار حتى القصيد اللي طروقه عذيه اكبر اسباب ضيقة خاطري وانزعاجي :( ِ ِ

ِ ِ "عليك الفرج يا واحدٍ لا إله الا أنت ولا حولٍ ولا قوة لـ عبدك الا بك عساني ليا شانت نوايا العرب ما شنت ولا ضاق غيري ما يضيقٍ بي رحابك" ِ ِ

✨ يالله ياغلاّبٍ أمرك ولا هو بمغلوب الظلام تشعشعه والنهـار تغيّبـه ٓ أحمني وأخواني المسلمين من الذنوب لاتـوردنا دروب الضيـاع الخيّبـه ٓ وازهب أنفسنا ليا عارضت سعي الدروب بالقناعـه والرضـا والنوايا الطيّبـه ٓ جعل سيرتنا ليا ذعذعت منها هبوب من رياحين الثّنـا والقبول مطيّبـه

ِ ِ فال الله أطيب لك ولو طاب فالك لا تسهر عيونك بما صار و يصير ولا تشغل بما راح والجاي بالك ارضى وترضيك ان رضيت المقادير ما يخذل الله من لجأله لذلك " مطمّنه روحي ومتأملٍ خير " ِ ِ

ِ ِ كل حاجه ماشيه بأمر الله وتدبيره لاتكلف بالحياة ولا تحب وتكره يتعب الانسان في شيٍ يروح لغيره وياخذ المرتاح شيٍ ما خطر في فكره . ِ ِ

ِ ِ يالله تجعل في نعيمك خلاصي لا وقّفوا كل الخلايق على جنب ِ أنا صحيح أني فعلت المعاصي لكنّي أفعلها وأنا أحسّ بالذنب ِ ِ

ِ ِ ✨ دائماً إذا دعتك نفسك إلى معصية، فحاورها حوارًا لطيفًا بهذه الآية: ﴿قُلْ أَذَٰلِكَ خَيْرٌ أَمْ جَنَّةُ الْخُلْدِ الَّتِي وُعِدَ الْمُتَّقُونَ﴾ ✨ ِ

ِ ِ يوم ضاقت في عيوني مساحات البلاد وابتدا ليل الشتا والاوادم غافلـه خضت مع نفسي حروب التوجد والجهاد شيٍ يحير ولا اضن فيه اوصاف له بـ ارض قلبي معركه لا سيوف ولا جياد مالها فارس ولادري لـ من تنظاف له الحروب الداخليه مقـرٍ لـ الهجاد بالقرون المقبله والقرون الآفلـه ِ ِ

ِ ِ يا الله يا كاتب الارزاق اللي لك الكل متذلل كرّهني الحبر والاوراق والشعر لاصرت متملل واجعلني اللي لمنه ضاق يستغفر الله ويهلل ِ ِ

ِ ِ فمان الله والعذر السمين أبلغ من التبرير عفى الله عن خطاي اللي خطايانا على شانه فمان الله يالغصن اللّيان اللي هَجرك الطير هذا طيرك يبلغك السلام بروس جنحانه سمحت من المحبه وسامحني على التقصير وصلنا آخر حدود العشره .. اللي مالها خانه ِ ِ

ِ ِ ياشين الخلا الا خلوةٍ كلها ترتيل بدنياً ماتسوى لا بعوضه ولا علثه انا سجتي وعلاج قلبي صـلاة الليل لا منه سرا ثلثين منه وبقى ثلثـه عن المجلس اللي عامرينه بقول وقيل سباعٍ على شذب المقفين منغلثه" ِ ِ

ِ يارب أنا عبدك اللي معترف بالذنوب وانت اكرم الاكرمين و رحمتك ضافيه غثني بصبر الجمال وقدني لين اتوب واجعل عيوبي عن عيون البشر خافيه مؤمن وخطّاي والدنيا سوات اللّعوب تضحك وهي تاليتها جافيه جافيه اسألك يالله ياعالم خفايا الغيوب رضاك والعفو والغفران والعافيه ِ

ِ ِ يستفزّ الليل من صمتي سلامه وأسرقك من شرهة الأيام رِيبه لا طرَقت الصبر وأتعبني مقامه كلّ ما يطرِي على ليلتك جيبه أعْرِفك فجرٍ خذا روحي حمَامه وهزّت غصونه عواصفك الرتيبه طالبك لا ملّ صوتي من كلامه؟ اِترك [يدينك من يديني] قريبه ِ ِ

ِ ِ اكثر حقيقة ستتجلى لك بمرور الايام أن صحتك النفسية هي أثمّن ماتملك، ومهما ملكت فهو لاشيء في مقابلها، لن تعرف بدونها للحياة قيمةً او معنى، لذلك إجعلها مقدمةً على كل شيء، ولا تسمح بأن يتم التلاعب بها تحت اي ظرف ولا اي سبب، فإنه لا اسوأ من أن تعيش الحياة وانت ماعندك حياة ِ

ِ ِ " العام للقلب يمه شف وجرُوّه ومعيفه في محبة كل مملوحي يوم ان حبه بقلبي تشتعل ضوّه وانا له اسبق من المدعِي على اللوحي واليوم صار الغلا مشبوه ومشوّه وانا تنازلت والمجمول مسمُوحي والله لأعزي فوادي عنه بالقوه واكامد الغيّض عقب الانس وفروحي ِ ِ

ِ ِ من محبة الله لك ان يبعدك عن دروب لاتليق بك يبعدنا عن اي درب ما فيه خير لنا حتى لو كنا نحبه فلا تجاهد انك تمشي بدرب اخره عتمةٍ وشر . وعندما يُبعدنا عن كلِّ ما يُضِيرنا ويُرهقنا.." ف إعلم انه استجاب دعائك ( وقني شر ماقضيت) 🕊️ِ ِ

ِ ِ ياخالقي للوجود ،،،، وخالق ٍ غيري أذكرك وأشكرك ولْك الفضل والمنه غير الأمل فيك ماعندي عمل خيري واحيان أخالف نصوص الشرع والسنه تايب و هايب ومعترفن بتقصيري ماعندي اعمال ٍ تدخلني الجنه ِ ِ