يا رفيقي لا شلت اللي ما تقدر تطيقه خل راسك شجاع وخل قلبك عصامي أبشر إن المشاكل كلها في حريقه وأبشر إن الوعد قدام والطق حامي وأبشر اني رفيقٍ ما يخلّي رفيقه لا غدا كل طيّب عن رفيقه يحامي يوم ذلّ الجبان اللي ماكمّل طريقه الشجاعه براسي والسعد في حزامي.

الهوى جاب الغلا والهوى ودا وأنت وجروح الزمن بالحشا خشره يابعد من مابعد جا ومن هدا ويابعد من ساج روض الحشا نشره يوم صار الحب جزيه ولك تدا والقصيد اسهل من كتابته نشره خذ قصيدي ياشذا الورد لاندا وأنتبه لي واستمع موجز النشره والله انك بالغلا فارق جدا مثل فرق الابتسامه عن الكشره

طرف الليل والدمعه ورا الدمعه والعرب مادرو وش سبّة دموعي ضيقتي ماتعرف السبت و الجمعه ضيقتي مستمره طول الأسبوعي أحسب ان شوفته سهله مثل سمعه و اثرها اصعب علي من حبة الكوعي الهواجيس مفترقه ومجتمعه طالبك ياقصيدي هد من روعي جيش الأفكار انا مقدر على قمعه ليت الاقدار تاتيني على طوعي.

يا راسي عليك الله وامانه من الايام وش الراس يا لولا سطره وسعاطيره يعيش الشجاع ويربط اسمه بـ سبع انعام ولا يتّخذ من دون الامجاد تدويره حدٍ رزّته فعل وحدٍ رزّته هندام وحدٍ موتته غبن وحدٍ موتته خيره رفيقٍ لـ صكات الزمن والظروف كعام ورفيقٍ على ما قيل ضحكه وتقزيره.

مبطي ما الحقني الوقت غايات الشفوف وصابر صبر المرجوا برجوا من رجا ترفض النفس العزيزه مسافيط الضعوف مثل رفض الشاعر الذرب منهاج الهجا.

افرد جناحك و الله الله بالصبر و فـ الصلاه ولـ تدرك ان الايام يوم طربه ويوم قشر.

تزاحم الضيقات بالصدر الرحيب نفتح ملف الهم ونقفل ملف يالله بجاهك من ترداي النصيب وبحماك يالله من مقاشير الصدف نشيب ورموش الليالي ماتشيب ونعف وصدوف الليالي ماتعف.

كل ما مرت على البال بعض الذكريات قامت العين الحزينه تهل دموعها احسب ان ما راح بيروح واللي فات مات مادريت اني باطوّل وانا فـ ارثوعها والله ان في خاطري ضيقةٍ من يوم جات وهي تحط لسان كبدي تحت كرسوعها.

طحت في حبك الجذاب من دون غايه افقد العقل ساعه واسترده دقيقه كل من لامني قلت ادع لي بالهدايه البحر ما يطاوع موجه الا غريقه.

متعزّب صدري من الربوع إليا الربوع ضيقةٍ تصبح و تمسي و هي محلّها بدّت الضلع القصير على باق الضلوع ومن هاك الليله ليومك وهو مركى إلها التشكي طبعٍ اشوفه من اردى الطبوع الشكاوي سجنها بالصدور أمن لها.

يـا رازق اللي في رجاك يتحرّا من مد جودك ياوسيع المحاريف.

جعل يسقى لا اقبل النو قدهو ملتحم وراعي البل من ورا الشبك حط الها ذرا و لا سمعنا شبّو الضو يامال الشحم ثم سمعنا . . . عز واليك يابرقٍ سرا.

يالله يالمبصر ويا عالم الغيب يا من صغار الذر تسمع دبيبه ياللي تحقق كايدات المطاليب وفزعتك للمحتاج دايم قريبه يالله عسى لي في حبالك مقاضيب وملجاً ليا ضاق المجال التجي به .

طوينا الهقاوي في دروج الضماير طي بعد ما عرفنا سود الايام وش حاكن واذا حدتك دنياك بأنك تردى عي ترا الطيب له مضراب بين العرب ماكن لو ان الردا له في علاج الاطبا كي كوينا الردي ويطيب من علته لكن يمين الكفو تصنع بطولات من لا شي ويمين الضعيف تموت ما حركت ساكن.

كبار الهقاوي ماتعلق على البيبان والامجاد من يتعب لها تحفظ سجله ياراعى الجناب الدمث والمحزم المليان اعرف آن طيبك فطره ولينك جبله احدٍ وقفته لا شح وجه الزمان تبان واحدٍ لا اصتفق موج الدهر بان به خله الله يقطع اللي مثل ماقال ابن جدلان لو الناس تصفي كلها ماصفى كله.

والله ان قد لي من الحول لاحولٍ وزود لا مزاجي بـ اخو شما ولا البال بـ هوي اتزلف طايح الحظ والشمت النقود وادعي بوجه مبارك وخير ورضوي يكسر حدود التحشاد وقفول القيود يرده لـ خاطر محيمً ويصدر مرتوي.

ترى والله انه مايكدر عليك النوم سوى كلمة من بعض الاصحاب مسمومه ليا جت من الغالين ولا الرخوم رخوم ولا امحق من الغالي ليا شانت علومه ضعاف الروابع تبتلش والقروم تشوم ولاهيب لا شامت من الشين مليومه ولا ازين من القاع الخلا والوجيه سلوم ولا رفقة مع طول الايام ملغومه.

احس ان الحياة بخير مع شوفه ومع طاريه واحس الهرجة اللي تاصله ربي موفقها سرق قلبي وراح وقلت تحت الله وبين يديه ولا فيها غريب ان القلوب تحب سارقها.

من أوّل اليوم يا مملوح لـ اخيْره وأنت آخر آخر ذِكِر و الأول الأوّل عَدا طواريك ما مر السهر سيره ترقا لـ بالي وطاري غيرك يحوّل من ساعة لساعة و من ديرة لديرة يجوْل قلبي و حبك فيه متجوّل إن مر طاري المفارق شوف لي غيره أنا مطوّل و حبك شكله مطوّل.

جالس معكم مهوجس وسجيت وسريت رحت كلي مابقى الا عيوني واجسدي ضاربن لي وادي لضربته ما صحيت لين يندهلي بساط الجليس الاحمدي وادين منشاه نجد ومصبه في الكويت فيه اغرب و واتمادى واهوجس واغدي