عسى عيونه ما تدل درب الاحزان تضحك ولا منّها بكت من فرحها .

ان بانت رسوم الحزن في ملامحك سرقت لك .. من وجهه الايام ضحكة .

بشروا راعي الصبر حلمه قريب لو يطول الوقت لا يفقد رجاه .

يالله بحظٍ يقوم ودعوةٍ لا دعيت يفتح لها ربي أبواب السماء كلها .

لك وحشةٍ ميعادها تالي الليل لا نامت عيون البشر بهذلتني .

إن عصتك الصعايب لاتحقر المُحال وإن تبسم زمانك روّض المستحيل .

الظن يوجع راعـي الظن لا خاب والنفس لا عافت من الشي عافت .

الطيب يرجع لك بعد وقتٍ طويل ولا يضيع الطيب لو شان الدهر .

لله در الصمت في بعض الأمور يشرح لك عقول البشر ويعلّمك .

يالله ثبتنا على الحق والطيب ويارب جنبنا دروب اﻟمضره .

الطيب ماهوب تعطي شي متوفّر الطيب شيٍ عطيته وانت محتاجه .

عطَانا الزمان من التجاريب مايكفي درُوس تصحي غافل القلب من نوُمه.

شوفتك قربي تسعد القلب والروح " والوقت قربك ربح ماهو خسارة ".

يالله عسى كل الليالي لنا خير وفيها الحظوظ الطيبة تحترينا .

عسى مقبل الايام كله فرح وسرور وعسى ماضي الايام مغفور من ربي.

نمشي ولا نعلم خفايا المقاديـر يالله عسى في غيب الايام خيره .

يدور الزمان وكل يوم يطيح قناع وتظهر لك وجيّه الناس وطبايعها .

ما قد تحسّفنا على مدّت الطيب ماتضوي بعين الكريم الحسايف .

احرص على شهرٍ به الاجر والخير الاقدار ماتدري وش اللي وراها .

ليت الأماني كل ماجّت على البال يضحك لها الحظ الجميل وتحقق.