ياقلب يكفي من الهموم اتمول وجفنً جفاه النوم بالدمع فاضي بين الرجاء والياس صار يتجول حكم عليه الوقت من دون قاضي بس عزته بالنفس فيها مخول في شرعنة مـبداه امر افتراضي ً على الصبر معتاد ومْنه يتسول طبعه بعيد الباس وبالحكم راضي

ليت هذا القلب مسباح و آعد خْرِزي وبـ اصبعين من الحنايا يطوف اللي يطوف و السما رحبه وسيعه تِقل صدر عنزي هيّل دلاله و هلّا و رحّب بالضيوف

لي لهجةٍ في ظلمة الحكي ظيي حكيٍ ماهو حكيي انا ويش ابي فيه لبيه جاتنا واختفت بعد حيي وانا مابدل بعد حيي بـ لبيه

الله صل وسلم وبارك على نبينا محمد 🌹

حطني في قلبك وعينك وبين اهدابك وعطني كفوفك كلام الناس مايعنيني يا فديت اطباعك وضحكاتك وترحابك وعينك اللي لا رضيت تحطها في عيني والقصيد اللي معي يبدا بك وينهى بك جعلني ما ابكيك يوم وجعل ماتبكيني مادريت اني تعديت السما بأسبابك لين شفت الكل بالإجماع مُعجب فيني

حطوه في قبره و ساووه بالطين ودمدمت مافيه وخفيت هجسي وقفة اشاهدهم على مجرد العين ودعيت له دعوه وعزيت نفسي اي والله انا فاقدينك و راضين بأمر الوالي ورضاه نصبح ونمسي ولو البكى بيرد غالي لغالين والله لبطي لين ترجع وانا ابكي

العز يوم يغامر الرجل دونه واعمار غيرك مثل عمرك ودايع وإليا لقيت اهل الدهر يشتكونه لاتشتكي دهرك على كل صايع

اشره على الوقت ما اشره على ذاتي مراحل العمر مرّت قبل حزتها

اعتزلت عصير ما أبغى فلان ولا فلان ويوم حطيت العمامة على عيوني غفيت وجتني اللي عهدها من قبل سبع وثمان سكر الدنيا ووجه ليا أحياني حييت قلت في ذمتك من ردك لهذا المكان قالت اللي رد جابر معزّز للكويت

تغانموا لـ رمضان الأجر من بدري وتسابقوا لـ المساجد واحيوا السنّه العمر زوّال « والانسان ما يدري » يروح لـ النار ، ولاّ يروح لـ الجنّه .

الورد لاكثرت يدين العرب حوله حتى ولو مانقطف ماعاد يغريني وان جا على باله ان يديني تطوله يجي على بالي اتبرى من يديني

على حافة النسيان و الجرح و التنهيد ذكرتك و كل أحلام الأيام مسلوبة طواري دموعي كايدة وأنت بالتحديد تبدّل مرارة فقدك العام بعذوبة و سلسالك اللي قد تهنى بلمس الجيد بعد ما تمايل للمدايح وهي صوبه نقضّي القصيد و نبتدي بالهوى ونعيد و سبع العجايب زدتها ثامن اعجوبة

ولله ان اموت ما بان اهتزازي الزمن خله يجيب اللي يجيبه شايفٍ نفسي من ابعاد المغازي والغريب اللي يحسب انها غريبه الخصيم اللي يضايقه اعتزازي يتلقى للخلى ويطر جيبه ابك انا يمناي مصدر لاعتنازي لو اضوي كارثه ولا مصيبه

جعل من طاول الهم في ليله الفايت يلقى مع نور الفجر مايفرج الضيقه

ليا شانت وجيه الليالي و قلّ الراي وخلايا الدماغ من التفاكير مضطربه ً عط الراي عمرك لا تشاور به الحكاي لو ان الطواري سربةٍ من بعد سربه ً فلا تزتمل وتقول ماجت على مشهاي فرجها ليا ضاعت على فارج الكربه ً ترى شرهة البندق على وقفة الرماي مثل شرهة الفارس على زرقة الحربه

مل قلبٍ يرسم أماله على سيف الرجاوي علّ يلقى في قفى الأيام لحضه عاطفيه والله إنه مابلا قلبي وخلاني شقاوي غير من عقب المفارق والليالي السرمديه لايمي لا شفت عيني ساهره والبال غاوي وش ينّسيني جميل الذكريات الاوليه ؟

ان تقدمنا على العزّ ياحي القدوم وان وقفنا الماقف الصعب تعبّنا الزمل نفهق نجوم المجرات وندك الرجوم لين يرجع لك حصاها مثل حب الرمل ولا التفتنا للدوادي ولا هرج الرخوم لو عطوهم ختم امارة على شيخة شمل

ليتنا لا ضاقتَ الدنيا و ضقنا منها نقدر نعيد الليال الليّ ضحكنا فيه

يا خير مبعوث بخير رسالةٍ للناس يا خير الأنام وأطهرا يا رب صل على النبي وآله ما فاض نبع بالجداول أو جرى

وش فيك يالصدر الشمالي تضايقت والناس تضرب في سعـتك المثايل افا يا صدري ضقت من جاير الوقت خابرك ياصدري تشيل الثـقايل وش فـيك علمني لـك ايـام ما رقـت ضايق وفيك من الهم صايل وجايل خابـرك ما عمرك للأحـزان رافـقت واليوم كنّك شايل . . جبال حايـل ٢٠٢٥⏳