🔥The 9th Round of Easy Loan, Earn $40 Reward is in progress❗️ ⏰ Promotion Period: January 15th - Feburary 15th, 2025 👉 Register now and check more details at gate.io/campaigns/358

♥️ اول اطوف لك على شان ماضي واليوم مالك لا مكانه ولا شان

♥️ لا تاخذ عتابي لك بـ دافع الشين لولا الغلا بـ الروح ما جاء عتابك من باب ود ونفس تبغى لك الزين يزداد معها الضيق ساعة غيابك إن شفتك مبادر على الوصل للحين شرعت لك بيبان صدري هلا بك وإن شفتك مقفي بـ درب المقفين إشره علي إن جيت .. طقيت بابك

♥️ لا يجرفك كل تايه خايف أنك تتيه اللي ما زادك موّده ما يزيدك قدر لو ماعرفنا النوايا ماجهلنا الوجيه ما تجتمع نيةٍ زينه .. و وجهٍ ودّر

♥️ انا معاك سويت كل اللي علي وانت مع الايام . . بتعرف قيمتي

♥️ لا تعلمنا عن اللي هرج فينا وقال إعتبرنا لين هالحين ماندري عَنْه لو نبي ندنّق على الطايح يطيح العقال والعقال اللي على روسنا ما أغلى منْه الجريدة عشر صفحات قيمتها ريال لو كلام الناس محسوب ما هذا ثمنْه #حقيقه 👍🏻

♥️ صاحبي والصمت موجود والموضوع وين كل ما يطري على بالك الليله جبه دمعة الرجال منقود ؟ أساطير أوّلين كان ماتقدر تحايل على الدمع أسكبه وان ضميت من الأحبه وعادتك السنين قص دربك لين تاصل سرابه وأشربه ما سلم من ظلم الأقراب خير المُرسلين كيف عاد اللي من الذنب مالي منكبه

♥️ البارحه والنار تاكل من النار وانا ضلوعي كسرتها ضلوعي وقول ياهم الشقى طب وختار لكن لا تحلم بشوفة دموعي الله خلقني للمهمات صبار أيضا ولاني بالمواقف جزوعي بعض الخطا يمكن تمشيه أعذار أعدي الغلطة بكيفي وطوعي وبعض الخطا لو ناخذ يمين ويسار لاجيت أسامح كني أحب كوعي

♥️ نخطي و يخطى علينا و الخطا حاصل و ان ما عذرنا بعضنا ما تصافينا دام الخطا ياصل اكيد العذر ياصل وش عذرنا عند ربي لو تجافينا ان ما فصلنا الجفا عن حده الفاصل والله ليضحك بنا اللي ما يدانينا

♥️ ياحبيبي لا توريني طرف دمعك واحبّه انت لك عينٍ ترد الآدمي لأول حياته اعتبر قلبي حطب غابه وشب اللي تشبّه لين تستانس دفاه ولين تستغرب ثباته الوكاد اني عليك من الهيام امشي وأشبّه يا حبيبي والسلام ورحمة الله وبركاته

♥️ نموت ماعشنا على .. رزق الذليل والنفس نجبرها على حب الصبر لو مانطول التمر في روس النخيل نموت ماناكل من ( الطايح تمر )

♥️ عن ضجيج النّاس وأحداث الليالي المستمره وديّ ابعِد عن مدى الأنظار لو اني لحالي ماورا كُثّر العلوم الدارجه غير التشره يوم ترضيّ لك قريب ويوم يزّعَل مِنك غالي

♥️ من اول ادور على الفيه وعيني للظلال واليوم مايفرق معي برد الحياه وحرها اللي جنيته من حياتي كلمتين وراس مال ان كان ماسريت نفسك محدٍ بيسرها

♥️ مبـارك عليـكم الشـهر والله يجعلنا وياكم من صوامه وقوامه وعتقائه من النار عسـاكـم مـن عـواده ♥️

♥️ یا نفس مدري اسوي بك ولا ادري وش تبين ؟ اتعبت عمري فالامور اللي مغير اسعى بها ان جتني الاحلام اقلطها على سمن وسمين وان كانها ما جات لابوها لابو من جابها

♥️ يا رفيقي خاطري ماش وأفكاري شتات خلني لـ مطاول الليل الاسود و السهر والله إني ضايق الصدر من كل الجهات وفاقد النوم الطبيعي لي اكثر من شهر المداهيل القديمة وبعض الذكريات أظهرت من عيني الخافي اللي ماظهر وكان ماالله عاضني فـ الليال المقبلات مات حلمي قدام عيني ومتّ من القهر

♥️ مغريات الحياة اللي بحب الخشوم كل ما جاتني عرضتهااا للخلاا يا جماعة انا ماني بـ ناقص هموم والشكاوي لغير الله مافيها حلا قمت ابيع الصداقه في حراج الرخوم يوم شفت العداوة في ثياب الغلا قلبي اللي يعيف ونفسي اللي تشوم ماخلقها الله لبعض الامور وكلا

♥️ ترا اختلاف الناس نعمه على الناس لو مجتمع فالناس دم ونسابه الله مقسّم كل الارزاق بـ قياس ماتبور سلعه ، والسلع ما اتشابه

♥️ أرحبي يا قشر الأيام ترحيب القشر واقلطي في حضرة القوم مقلاط الضيوف العمر تاليه قبر و موازين و حشر ان سعدنا و ان شقينا نهايتنا الحتوف ان حضرتي بالبشاير فلا زلنا بشر وان لفيتي بالخساير على الشده وقوف

♥️ لو ان الخيال يشابه .. ( الواقع الملموس ) ما شفت الطموح يموت ماياصل مراده تعلمت من كثر التجارب واخذت دروس الانسان طالب علم .. من يوم ميلاده

♥️ دافعت عنك و لا نفعني دفاعي و سويت لك قيمه و كبرت مركاك و اليوم خليتك مطب صناعي امر و انت معترض و اتعداك و حنا وطينا فوق روس الافاعي وشلون ناقف عند مثلك و شرواك