- ما احد(ن) جاتله الدنيا على ما يريده .

لاتساورك الظنون ولاتساورك الطواري عادك اغلا من عشقت وعادك الحب المبدا

" أحبك ولو إن الزمان الشين وده يخالفنا ".

يارفيق الذات من باب الحديث الودّي صاحبك همه يموت ولا تخيب ظنه والله إنه من غلاك وكبر قدرك ودّي انتخاوى فـ الحياة ونلتقي فـ الجنة . صباح الخيير 🤍.

قلبي على وصلّك من الشوق ضامي يا اغلى وليفٍ خذا قلبي على كيفه .

وأنا حالفٍ ما دمت حيّ من الحيين ما ياتي محله بـ الغلا واحدٍ ثاني .

والله ان مالك بـ عيني شبيه ولا مثيل !

" ايي والله أحبه حب مانيب مخفيه حبٍ سكن باقصى الضماير دخلها ".

مكتفي بك لا شدّني هذا ولا ودّي بذاك مكتفي فيك حتى لو يمّر ، وقتي بِدونك .

رحنا ضحايـا سّلوم وحطام عادات لين أستوى ذنب الوصل و القطاعة

فمان الله ياول من سكن بين الضلوع العوج عسى دربك سفير ويا عسى الله ما يخليني

فمان الله يا أجمل من سكن قلبي وعداك اللّوم

فاقدك ، والكون بـ غيابك كئيب لا أحد قبلك ، ولا بعدك أحد عفت خلق الله من بْعيد وقريب وأعتزلت الناس بعدك :لـ الأبد كل واحد صار بعيوني غريب مافقدتك .. كنّ فاقد لي بلد كان همّي في حياتي لا تغيب الحياه بدون ضحكاتك : نكد ماني أول شخص فاقد له حبيب بسّ بـ غيابك :أنا أكثر من فقد ..

لا تحسب اني عقب فرقاك مرتاح ولا تحسب اني رحت أدور بدالك ماهمني من جا عقبك ومن راح ولا غيري اللي في المحبه صفالك طال الغياب والحب ثابت ولا انزاح وأكتم علومي عنك ما قلتها لك

شايل ضيقتي والصدر ماهو بداري شرهتي مااحدٍ من خلق ربي سمعها.

الغالي اللي عليه الشوق ذابحني اقفى به الوقت ماجاني ولاجيته ياسيد الغيد قبل اقول لك بحني بخبرك عن كلام عنك خفيته تدري وش اكبر خطاي الله يسامحني اقفايتي عنك وانت اللي تمنيته وهذا هو اللي معذبني وجارحني اقول ابنساه وانا ماتناسيته

ما تمسح اثار الدموع ، ابتسامات ياما عن دموعي بضحكي تواريت اصد و انثر عبرة الضيق بسكات وليا خذتني لهفة الشوق غنيت يالييييل خبرني عن امر المعاناة و امر شارعكم و اسلم على البيت

لكنّ هذا الشوق مايرحم الحال لا مرّ في قلب المولع يعلّه وش حيلة المبلي بحبك ولا نال غير الشقى بالجوف محدٍ فطن لّه طيفك معي في حل ولا بترحال حبك شغل فكري غصب واستحله

سنين الهنا وعمر من المسّرات كل عام وأنتي الخير بحد ذاته ❤️