صباح الخير ياوجهٍ ذكرته مع طلوع النور وش أحلى من طلوع النور لامن جابلك ذكرى

مافيه احد يستاهل اتعب عشانه العمر واحد والمشاغل كثيره اللي يغيّر كل ساعه مكانه نلقى بكل ساعه من الناس غيره جرْهد

ياللي زرعتي وردة الحب فيني يوم ازهرت غبتي عن العين وشلون كبّرتك بعيني وصرتي سنيني حرام ما قدرتي سنين وعيون .. جرْهد

هذا الغياب اللي تبينه ولا ابيه لا تشرحين شلون تجرح رماحه انتي … تقبّـلتي بداية لياليه قبل الندم يعلن عليك اجتياحه وانا خذيت امن الوله كل مافيه إلين عفت الذكريات بصراحه .. جرْهد

فداك يالوجه الندي قلب مغليك مهما كبر حجم المحبه يشيلك

سلامتك ، ماعاد ابي منك حاجه ارحل وخلنا نختصر ليل الوداع الوقت مهما غشني في عجاجه بكره يطاوعني على بعض الاوضاع جرْهد

اتذكرك ياللي خذتك المقادير نسيانك اشدّ الامور استحاله ذاك الزمان اللي جمعنا على خير بالعمر خليته رفيعٍ لحاله .. جرْهد

اندم على ليله تمر ما ذكرتك ذكراك اصبح بالعمر أولويّه انتي السلام العاطفي مانكرتك باقيك يسعفني بدونك.. شويّه جرْهد

زهرة شبابي على كيفك قطفتيها وعقب السنين الجميلة عفتي الزهره علاقتي معك … ما افهم تواليها معقوله الحب مثل الموت له سكره ! جرْهد

احبك اكبر من مدارك خيالك والمشكله مالي نصيب بمصيرك

الشوق والذكرى طويلين اعمار جرْهد