صايرٍ همّي لغم مدفون فالحدب النحايف ما بقى بينه وبين ،، الانفجاار الا شراره .

القلب يكسره اللسان ولا تجبره اليدين ماهوب عظمٍ كل يوم تكسره وتجبّره .

علام العرب حطت غيابي جفا وصدود وانا غيبتي من جور ماهيب من ودّي .

الخصر كنّه يمثل حال جسم افريقي والردوف تمثل اسراف العرب بالنعمه

لو تساومني على الروح ياضاف الجديل قلت لك تستاهل الروح يامحبوبها مير لو تقرب حدود الكرامه ربع ميل صرت من يطمع بدارٍ حموها حروبها .

اللي ورا صدري سواليف وعلوم حكمتها بالسجن من دون زاير .

جيتي وانا لجيّتك اعد اصعب حساب والوقت من دونـك ترا ماهو ونيـس يامرحـبا والله بـعـد طـول الغيـااب وش هالثلوث اللي سرق زين الخميس .

الضيقة اللي صادفت يوم ميلاد عندي تساؤل ياترى وش سببها ؟ كل مادلهت وقلت خف التعب زاد عزي لنفسٍ ماعرف وش تعبها .

سلامي على اللي حبها ساقني للجال وقامت تليّن في طبوعي وانا قاسي تمر المره من عـقـبها كنها رجال ما والله تحرك شعرةٍ من شعر راسي .

ياحزينه كل الافراح قيد الانتظار لين تبتسمين و تطيب احاديث السمر مايليق بخدك الغضّ دمع الإنكسار دمعك اول دمع يمشي على سطح القمر آمري و اخطي علي و علي الاعتذار أنتي عينك حرف عطف وجمالك فعل أمر من توغلتي بـ صدري و لفيتي يسار و أنا معتبرك دخلتي على بيت العمَر

وش يزعلك وانتي وانا روحين يحملها نفر وقلوبنا فيها حناان أمٍ تضم صغيرها لاتزعل الدنيا ولا تزعلك يالظبي العفر ان كان ماجازت لك الدنيا ندوّر غيرها .

مافيه داعي التفت وادورك بـيـن الجموع من لذة الطعنه عرفت إيدك وأنا ماشفتها .

جيتي وانا لجيّتك اعد اصعب حساب والوقت من دونـك ترا ماهو ونيـس يامرحـبا والله بـعـد طـول الغيـااب وش هالثلوث اللي سرق زين الخميس .

لاضاق صدرك من زمانك وانا حي قلبي بلادك وانت حضرة سموّه .

وليفي يعاتبني على البعد والاهمال وانا البعد والاهمال ماهو ب مرضيني يقول انتبه لاتشمْت بحبنا العذال واقول انتظر واذبح لك العذل بيديني لاتقلق يزيد الشوق لازادت الاشغال ورغم انشغالي عنك ماطحت من عيني .

غيدًا عليها يغار اللي مايعرف يغار اللي لهالحين وانا اشوف معروفها وادعتها يوم ماكان الوداع اختيار ولاجزت عنها وعيّت تسمح ظروفها واعدتها بالغلا والحب والانتظار وهي اوعدتني مع الايام ماشوفها .

حبيتها وأنا عن الحب منصوح وبرّيتها بر الولد ،، والدينه لكن جا فالوصل والحب ساموح وعيّت تزين وعزة النفس زِينه ماودّي اجرحها ولو كنت مجروح قلت الغلى سوي به اللي تبينه وراحت وخلّت باب الأمال مفتوح حتى كلا قلبي عليها حنينه وراع الهوى لو يستر الحب مفضوح ادنات شي يمر يظهر خزينه .