جيت " محتاجك " و فيني كلامٍ ما يقال
اتعززّ ، وارفع الصوت ، وامشي ، واعدي
حطني في وجه حضنك من صدوف الليال
تايهٍ لا اخطيت من ضمتك .. وين أغدي ؟
- سعود مبارك
علامات الوداع تبيّن، والفرقا لها مواري وأيضاً قلب المحبوب أحياناً ينغزه أن النهاية قد قربت وما جاء في ذلك الشعور:
"من يوم ما شفتك وأنا حاسب لـ هالليلة حساب
بـ أودعك حتى لو طال الهوى بـ أودعك"
وأيضاً
"قبل ليلين من ذاك الليل شفت عيونك الثنتين
ودريت إني هذاك الليل.. آخر مره اشوفك"
رغم انتفاض المشاعر و اختلاف الحلول
ما فيه غيرك يبدد ضيقتي يا هواي
اجيك والضيق فيني مكتسح عرض طول
وارجع وانا مبتسم فاهق همومي وراي
الله عطاك '' الرحابه '' خل عاد القبول
من يوم شفت الحفاوه معلنٍ لك ولاي .
_محمد معضد
على كثر تقصيري معك يا سليل الجود
قل اللي تشوفه ينصفك لين تستوفي
لكن يعلم الله ما خذلتك وعندي زود
ولا ارتحت وان الحزن يقتات من جوفي
انا نادرً .. ما صف ريشه يـ ابو عبود
واحاوم لك العقبان فالغيم بكتوفي
معك لا تقيمني ظروف السنين السود
علي الحرام ان راسي اطيب من ظروفي
_ال لزيوح
ودّي أغفى على صدرك ثواني وأفوق
لين ما أستجمع أنفاسي على مفرقه
عاشقك عاد جرحه باليّتهْ الفتوق
كان ما تقدّر تورّدهْ ماك ! أعتقه
يا دبيب الحياة و دمّها بالعروق
خايف تكون حلم ٍ ما أقدر أحقّقه
من تعلّقت فيك و فيك جبت الطروق
كن عنقي تعلّق في حبل مشنقه .
_سعود مهدي
يا وجه الصباح اللي شروقه بداية خير
تحلّاه عيـنٍ مالها صدة عنّه
حبيبٍ حضوره غير عادي و حبه غير
احاتيه و ابرّه و اداريه و احنّه
عليه اتلهّف يوم مال الظلال عصير
مثل لهفة الزاهد على الحور والجنه
تصير الفجوج الواسعه مثل عين الطير
الى راح وانا ماسمح خاطري منه
- جابر النشيرا