تطيش الطواري والطواري لها روتين وانا شاعرٍ .. مايتعب الا .. ورا شفّه بديت القصيد بـ فقرة البيت والبيتين ونهجٍ .. يحط ابداع الابيات في ضفّه واسرني هوى بنت الهوى والنقاء والين ورمز الخجل .. والحلم والطهر والعفّه وذقت الفراق المرّ فـ اول ثلاث سنين ومن دونها شفت .. التقاليد

كيف أتحلّى بالصبر والنور في عيني ظلام أسود من الليل العتيم أليا سدل عبايته الصمت يستر ماخفى لحدٍ يلحّقني ملام ماحبّ أسولف عن همومي والجروح البايته ياكرهني لاهل الفضول الّي تكثّر فالكلام الهرج منها مايطاق من أوّله لـ نهايته يانفسي ألّي ماتبا غير الركاده والسلام وياراسي الّي

ياكم واحدٍ صدره مقفّل وله مصْراع مايبحث خفاه مدوّر العلم بـالرّاحه ولو انّ الضلوع تلحّف السرّ لا ينذاع ترا العين في بعض المواقيف فضّاحه _ظافر بن سعيدان

ملامح الفرقى على وجهك تبين حاول تجاهدها بقدر المستطاع أقسى من الدمعه على وجه الحزين محبّةٍ راحت . . ولا فيها وداع .

شرع الهوى قطّع قلوب العاشقين يسوقهم للموت ولا لـ الضياع لاتنخدع فيهم لو انهم ساكتين الساكت أكثر واحد يعيش الصراع حتّى كلامه لو تكاثر كملتين ويقول انا عاشق لفنّ الإستماع في خاطره شرهه لا والله شرهتين ماعادت الخُطّر طوارفها وساع والّي زمان يلومكم يامغرمين ؟ صار اكبر العشّاق في

مع هذا الصباح الجميل تغمرني مشاعر الفخر والإمتنان لكوني "سعودي عربي مُسلم" . فاللهم لك الحمد على هذه النعمه العظيمه💚 . هل حمدت الله على هذه النعمه اليوم ؟ .

فكّرت في كلامه للحظة حسّيت مُبهم وغير منطقي؟. يعني كما نعرف ان العقل دائمًا يكون ضد العواطف التي يشار إليها على أنّها "القلب"، وهي التي تسبب الجراح للأنسان، فالعقل هنا يأتي على هيئة رجل حكيم وكبير هذبّته تجارب الدنيا، والقلب او "العواطف" شخص طائش ومتهوّر..لا يكفّ عن عصيان الرجل

من لقى منْك البشاشه والسماحه واللسان الذرب والهرج القراحي لاتلومه لا انكسر صوبك جناحه مايمرّك واحدٍ ويروح صاحي . — سعد بن جدلان. جعل فالجنه .

الوقت لامال ياراسي فحذرا تميل مانت بغصن كلّ ماهبّ النسيم استمال ظروفنا لو تعسّر سوّت بنا جميل لولا الرَمض ماعرفنا قيمتك يالظلال وان ضاق فينا سبيل نشوف غيره سبيل فجوج ربّي وسيعه ياصدوف الليال .

الدلّه الّي على جمر الغضى فاحت كنْها دموعٍ توايق في طرف عيني كم مرةٍ ودّها لو انّها . . طاحت وتردّها عزّتي . . بآصابع يْديني .

اصدق مع الله . . والعالم تجاهلها لو يلحقك من بعضها كلمةٍ سيّه راس العمل والصلاح؟ "النيّه اوّلها" والناس؟ ماتمدح الماشي على النيّه! .

تزيّن البدر فوق ارض السعوديّه مايعكس الا جمال ارضي وصورتها 🇸🇦.

أجامل الناس واكثرها مهمّلها أصدّ عنّها واعاملها برسميّه بعض البشر مزعجه والغلّ قاتلها ماتعترف بالحدود وبالخصوصيّه ماتعرف الصحّ لين انّك تنزّلها في منزلتها الوضيعه والطبيعيّه الفاطر الّي تثير الحرث عقّلها وادعس على العقرب الغدّار والحيّه وطبايع الخلق صعب انّك تعدّلها لاصارت

انا بين احبّه صدق؟ .. و اظنّ ماحبّه؟ غديت الضحيّه والتفاكير تذبحني معي عقل زاهد . . يكره الحُب ويسبّه وقلبٍ على ادنى شيّ لازم يورّطني ! تشرّاه عقل الواعي الّي على قلبه ؟ "مثل شرهة الجاني على نقمة المجني" .

التباعد بالقلوب اشدّ من بُعد الأماكن في نظر من تجرحه ذكراك لا قلّب شريطة لاغدا الوصل اعتيادي والغلا ساكن وماكن المسافه ماتحددها قياسات الخريطة .

مْتونك الّي فوقها الليل ساحي وعيونك الّي تنْزع الروح نزّاع جيتك وانا فازع وشاهر سلاحي ورجعت ادوّر لي من الناس فزّاع .

تخيب هقواتي مع الوقت وتصيب وبعض المكاسب كان ماجات خيره والّي ماينفع في صغار المواجيب ماهوب نافع في الامور الكبيره .

الّي يصارع لجل حلمٍ يناله واليا تلفّت ماحدٍ يلتفت فيه ماغير واقف ويتأمّل ظلاله الّي على طول المسافه مخاويه قولوا له ان فوزه ليا جاء مجاله بتلدّ فيه وجيه ماكان توحيه الّي تقوّى في مطيحه لحاله ؟ أقوى من الّي خلق ربّي تقويّه .

و رغم الوجع؟ مُبتهج و اقولها بـ اقتناع شكراً علـى ما بدر حتـى . . خياناتها . الله الله الله يبو حامد💔.