الحب والصدق والاحساس لو تختفي من مشاعرنا مانستلذ لذة النوماس ولانحسها في خواطرنا المحـ ابومحمد ـمدي

سلام قاله وقلت اهلين اهلاً هلا بالذي سلم يامرحبا ياهلا الفين نورت ليلي بعد ظلم المحـ ابو محمد ـمدي

نايف المحمدي بعد التقينا وصرنا اصحاب والمعرفة تزيد عن عامين بسالكم .. يااولوا الالباب عن الذي ننطقه حرفين فالقلب حاله … عطية الرفاعي يامااطيب الوصل بعد غياب للي على قلوبنا ... غالين سؤال فيه الجواب انجاب لاحوال بين القسى واللين فيه السعادة …… المحـ ابومحمد ـمزي

ياطرف ملفـت لاتعـيد …… المعاناه خل القلوب التايبه …… مستريحة جرح الهوى ماصدقت يوم تنساه وتنسى عذابه وقت كانت جريحة سنين تشكي من اساها … وبلواه وكل الموارد في هناها … شحيحة ماظنـها في تالي العمر … تقواه من بعد تابت واعْمٓلتْ بالنصيحة المحـ ابو محمد ـمدي

من عزاز النفس عندي ماتميّل للعدام طبعها مثل النوايف شامخاتٍ ماتميل من تعامل بـ احترامه يلقى زود الاحترام ومن يسوى غير ذلك مايشوف إلا المثيل المحـ ابومحمد ـمدي

ليّ خاطرٍ ضايق ومحتاج ترفيه اشواق روحه من هواها عنيفه يحسب حسابه للتقاعد ويرعيه متململٍ مما بقى فالوظيفة حول السنه باقي ولاعـاد يمديه يصبر على الايام لو هي خفيفه والقنص ماغيره وسيلة تداويه ويعالجه ياهل النفوس العفيفه وده بكم يومٍ اجازة تهنيه من ضابطه راع العلوم المنيفه

زومالة وردها البدع / نايف المحمدي ابومحمد الرد / الشاعر انس سعد المحمدي صوت وأداء المبدع / ابو زاكي سلمان الوادي الحربي

ياما حلا سجات الأقدام ياحمود يم الديار اللي بها الصيد وافر ماهي بديرة صيف وأزهار وورود ديرة مقانيص(ن) ونوماس خاطر مادمت في صحتك والخير موجود ادخل على موقع يسمى المسافر حدد متى بتروح باليوم وتعود عجل على قص التذاكر وسافر صاحب نشاما …… المحـ ابومحمد ـمدي

الود حرك مشاعر ناس فقلوب جفت مراويها من بعد ظلت سنين يباس اليوم بالشوف يرويها

يامصعب الود يوم يشين ويزيد شره على خيره البعض لو ياصل الستين يبقى تحت سيطرة غيره المحـ ابومحمد ـمدي

قالوا عشان تصير فالناس مشهور والبعض يطلب منك تعمل دعاية ويصبح لك اسناب(ن) مميز ومنشور وكل(ن) يتابع قصتك والرواية اطلع بدور ( ال ……. ) وانقز السور ان كانت الشهرة وسيلة وغاية وانظر بعدها كيف لاجاك جمهور ومتابعات(ن) فوق مالا نهاية قلت العفو منكم ولاني ……. المحـ ابومحمد ـمدي

ماعاد ننشد ولا نسأل عن ناس نسيت مودتنا ماودنا بالمثل نعمل لاكنها النفس حدتنا المحـ ابومحمد ـمدي

ماهمنا من يسابقنا ويكسر الحال وشداده الرزق من عند خالقنا مايختلف وقت ميعاده المحـ ابومحمد ـمدي

السلام عليكم ورحمة الله وبركاته المشاركة متاحة للجميع سؤال عن شي من ماذا فالناس كثر الزعل حاصل عن ذاك لو تنشده هذا تلقاه مع ذاك متشاكل المحـ ابومحمد ـمدي

من تجربه حول(5️⃣)سنين جربتها والنتيجة ( 👍قُد ) لاتتعب ( ❤️ ) بالمقفين طنش وعن ملتقاهم صد المحـ ابومحمد ـمدي

راح الشهر والولع باقي يجري مع الدم فالشريان القنص عشقه عشق راقي فالقلب ماهو كلام لسان المحـ ابو محمد ـمدي

دام البحر جنبك ومنك قريّب اشرب بحر يالين تروى وتشبع ماعندنا غيره لك اعلاج طيّب عل وعسى بعض الدوا فيك ينفع المحـ ابو محمد ـمدي ٢٠٢٥/١١/٣ م

الراس تعبان من مابه حتى العمامة مضايقته من طلعة الضو لغيابه افكار ماهي مفارقته المحـ ابو محمد ـمدي

الشاعر بدر سالم المحمدي الحربي

(المفردة)تايـهة ياصـحاب تشـرِّق مع الحال وتـغــرِّب متحـيرة بين شــب وشـاب ومابــيـن نــقَّـاد ومــعــرِّب بابٍ تـصـكـه وتـفـتـح باب وتـشــد بـنــيـان وتـخــرِّب ومن لايحسِّب لها بحساب يبـقى مـع الناس مـتـغرِّب المحـ ابومحمد ـمدي