قبل سنوات وذكرياته ماتغيب واليوم صار لذكرياته ذكريات

اليوم بعد سنوات من الفراق اللي صدق غير فيني كثير ، ما أقدر احدد أنا مستوجع من فراقك ولا راضي ، بس اني اقدر اقول لك مكان في قلبي لا يزال .

ليتني وياك عشنا لذة الانتصار مع بعض ... انا الحمد لله أشد الأوقات وأقساها أقدر اتجاوزها بس والله فقدتك في وقت الفرح والحصاد تمنيتك معي و أشوف الفرح في وجهك أدري انك بتفرح لي حتى وانت غايب .

خل السكوت يسود كل المواضيع أنا أكبر من اللوم .. ومن ، التشكّي من أبسط حقوق الكلام إنّه يْضيع الواقع أصدق !.. من يقيني وشكّي لا تنتظر منّي !.. ( عبارات ) توديع ما عندي ألّا الضحكة .. اللي تبكّي

مرة أتبع رغبتي، مرة أعيف ميولي ما لقيت لهذي الفوضى سبب يشرحني لا بديت أحل مشكلتي تضيع حلولي كل ما رتّبت صوتي، نبرتي تفضحني قالوا إن حِدّة مزاجي تجرح اللي حولي والله أني قبلهم أحسّها تجرحني

الى هنا وانتهينا ، ليش ارددّ واعيد العمر محدود وسنين السعادة أقصار جيتني مثل ضحكة الاطفال في يوم عيد ورحت مثل دمعة الفرقى بصالة مطار

مرّني لاتاه دربك من زحام الحياه الغلا اللي رحت منّه على حطة يدك

مستحيل انكسر ولا يبين انكساري عزمي اقوى من صدوف الزمان المريعه ضيقة البال لا كثرت علي الطواري طبّها فالفجوج الخاليه والوسيعه ودي اني تناهشني سنون الضواري ولا يبيّن عليّ من الليالي هزيعه

إن فقدتوني معا الايام وصدوف الليالي جعل ذكري يفرح اللي فالمواقف يعتزي به وانت ياللي فيك شيً ما يقال ولا يطالي انت قلي فيه احد ما عاد ينشد من صحيبه؟ انتظر منك الوصال و مل حتى من خيالي لين عاف وشام و قفى مابعد شقيت جيبه

اتتقّى ، واتدانى ، و اتدرّى واتحاشى شرهة وساع البنايد

كل جرحٍ غير جرحك يطيب بْلا طبيب وأنت جرحك لـو بروه الأطباء ما برى

العجيب شلون من عقب المحبه صار عايف والصحيح ان الكريم ماينسى ربع السوايا

سلام ياجرف الوعر ماله طريق كون الحديا تلتوي به من وراه لا يا نعى منهو يجافي له صديق السود تبنى له و قل له يا نعاه

يا صاحبي كنت أمس كنت أمس محشوم واليوم هج بجيتك واختصرها خلك بعيد أبعد من العام لليوم وأدنى من أحلام النجوم وقمرها بعض الكلام اللي تحليه مسموم ما كل كفٍ صافحتك تغدرها كم طيبٍ ساقته الأقدار لرخوم ويا كثر ناسً تنخدع في صورها الحر ما يشره على خنعة البوم الله رفع شأنه ووطى قدرها

مايحتاج لاتشرح ولا اشرح ، ولايحتاج توضح كبر قدرك واوضح كبر قدري حسمنا الامور اللي ماتحسم بدون ازعاج ولا ضيقة صدرك ولا ضيقة صدري تجملت فيك اني ماجيتك وانا محتاج وتجملت فيني بالخطاء وانت ماتدري سلمنا من الشان وسلمنا من الاحراج انا مانصيتك وانت علمتني بدري

أعاني من الحب . . و من الأغتراب و من الوله و من الحظوظ المدبره عن ما آشتهت نفسي و ما لذّ و طاب يردّني دين .. و مروءه .. و نعره أنا النزيه .. إللي يخاف من الحساب و أنا إللي إن شاف أي مُنكر .. ينكره إن شفت فـ الرجال شي من الخراب أطلّقه . . كنّي " مطلّق لي مره "

حتى لو إنك بعيد وخاطري طايب والعمر من دونك يكمّل مسيره ِ أَدْرى عليك من الوجع والمصايب وادعي عسى عينٍ تحبك قريرة

كم حاجة كنت اشوف انها ضروريه  من شانها عايش في حرب ومجاهد وعـقب الـتعب والـسهر والـعزم والـنيه  الـيوم مـرت قـدم عـيني وانا شاهد مـاضاق صـدري لـو انـها ذات اهـميه  كـرامة النفس تسوى منة الجاحد ظــروف الايـام مـا مـرت بـعاديه  خـلتني أكـبر بـسنه فـي يـومها الـواحد

ترى القسى مطلوب في بعض الاحيان لا تستحي من واحدٍ ما استحى منك

إن دارت الدنيا على طبعك الزين ما همّشت ب الذكريات الجميله ما عندي الا قلب ما هوب قلبين لا غاب غالي ما إنتظرت لـ بديله