كل دقيقة شوق مرّتني بدونك اشعر إن قلبي على احزانه تقسّم . و كل دمعة حُب طاحت من عيونك شوفها في متحف الذكرى تجسّم . انت بعد البعد لو تسأل .. شلونك ؟ كني اللي بـ لحظة اعدامه تبسّم :(

كم واحد قبلك تردى وعفناه لا قامت الدنيا ولا صرنا مجانين. عااااااادي(:

عليه اللوم ودموع الهقاوي والسلام الحار كثر ماكان في صدري حكي قاسي ولا قلته رميته بالفراق الواضح اللي ما عليه غبار وغسلت ايدي وقلبي من هذاك اليوم غاسلته بيفقدني وياكله الندم وبتوجعه الافكار وأنا جعل الله يقطعني إذا في يوم واصلته

اكثر ما يكسر خاطري بعد المفارق و الغياب ! ما عاد فيه أحدٍ بعدك أفرح و أجي و أبشره ): _ ناصر الحمادين

من البارح وأنا بين الكلام وصمتي المعهود أحرر لك عبارات المعاتب وارجع اسجنها حبيبي يا أكبر أطفال المشاعر واخر العنقود تحت عيني كبرت و وسط قلبي تامر وتنهى ما حزّ بخاطري غير الكلام الجارح المقصود لو إنها رميةٍ من غير رامي ماعليّ منها .

يقولون أن حبيبك ما تهزه حشرجات الناي وأقول بصوت عاشق .. مابيدّه غير أصابيعه عفى الله عن حبيبي لو حبيبي ماهوب ويّاي كثر ما أعاند الشوق بغيابه / وأرجع أطيعه عليه من السرور اللي ماهو في وجهي البكّاي وعليه من السلام اللي ماهو في ليل توديعه - عبدالله السبيع

أحبك حسبي الله ليت مالك في سماي بروج ولا لك في البسيطه كوّد شيءٍ بينك وبيني دخيلك لا تلفت رح بفالك وأترك المرجوج تغانم مابقى لك ولا أنا ؟ ماعاد يمديني فمان الله سق ركبك على درب السنين العوج ولكن طالبك لا أقفيت عني لاتخليني .

لو غلبني الشوق وما عندي كلام عادي ارسل لك رساله فاضيه؟

اليوم مضنون عيني غاب له مده وارسله البيت والتقرير ماجاني واقول في خاطري هو صد من جدّه ارب عاده يروعني وبالعاني يعني جميع الغلا اللي جاه ماسدّه ولا كفاه ان حبه شرب شريييياني جعل السهر والحزن والضيقه تحده يطلع ارقام جوالات صدقاني :(

ماهو بسيط فراق من بنيت حبه بني بيت مرتاح من صبك لسيسانه ومن تثبيتها ويروح في لمح البصر ويضيع منك مابنيت وسود الليالي عقب بيتك تدخلك في بيتها أوتشش يالضيقه

هات كفك والله إني باسطٍ لأجلك كفوفي جعل تفداك الكفوف الطيبة قبل الوضيعة أتعقَّل في ديارك . . و أتجرَّد من سيوفي كلّ ظلٍّ معك أحبَّه ، كلّ دربٍ فيك أضيعه ليش ضاقت من بعدك الأرض ، و احتالت ظروفي و أنت لا منّك ضحكت ؛ تعوَّد الدنيا وسيعة

والله لسافر لك لو أرجع بتابوت وأنا من اللي ماربوا في مروفه على الشقا لاع الهوى كل شفلوت وأنتي تلوعين الحشا با الطروفه والوقت للجاحظ والأيام هاروت والقلب حاكم وأنتي أغلى ضيوفه يامرحبا ترحيبة إعقاب يا نوت والحي يلحق لو تحده ظروفه - ضيدان بن قضعان

في غيابك لو أني يا حبيبي سليم ما نصيتك وأنا أقعد مرة واحبي في غيابك نديم وفي حضورك نديم اختصر برجوعك جرهدي وتعبي مرحبا بك تقدم لك من أقصى الصميم أحمدّ اللي طلبته واستجاب طلبي المحبه تجدد لك مع انك قديم رحت مني غزال وجابك الله ظبي - محمد بن فطيس .

يالمليح الِّلي على صوتك أحلامي نمَن وإنتعش منك الخفوق وروَت جوارحه المحبة كان ماهيب لك، يعني لمن؟ شوف عيني كم لها في عيُونك سارحه ما تنسِّيني جمايلك دورات الزمن لين راعي الجرح ينْسى ملامح جارحه معك للأيام لذَّه ولـ الَّلحظة ثمن أنت ضحك اليوم على دمُوع البارحه

تهادى على مدّ النّظر وجهك المآثور تجوع العيون أحبابها، كيف ما أجوعك؟ تمنيت أشوفك لو وراك الدروب عثور قبل لا يفزّز راكد الساهرة روعك تفيض الصدور ويخلف الشّور راعي شور ولا لي جدى في صدتك، أوْ فـ رجوعك وتمرّ الهقاوي بين ليْل الحكي، والنّور وأنا ما معي غير أنت، واسمك، وموضوعك.

تدور السنين وغيبها ما هو بمكشوف ومحاريفها مابين ضحكه وتكشيره وانا عبدك اللي يحتويه الرجا والخوف يقصر ويستغفر اليا شاف تقصيره تحت كف غيثك مارتجي للبشر معروف لو تنوشه صدوف الزمان ومقاديره

اشوفك خير من حبه تمكن داخل الخفاق واشوفك ملجئي فـ اللافيات ومأمن اسراري بذلت التضحيات اللى تخلد لك ثمن واسياق على ميدان " حبك " والله ان ماكلت امهاري حفظتك عن عيون العذل في قلبي وفالاحداق مثل حفظي لشيمة نفسي وحفظي لـ مقداري

تناديك الحنايا والحنايا صوتها مبحوح ولحظات الفرح ماهي بمنهيه وماموره انا اللي رفت بك يوم المواجع بابها مفتوح عقب ماجيتني نفسك من الحرمان مكسوره كثر مايشتكي من قل وصلك قلبي المجروح احبك والحزين تعبر دموعه . . عن شعوره ):

ما على قلبي من الناس لا صرت حوله انت ملح العمر وأخذ العمر لـ النهاية اللّيالي بلا وصلك ؟ طويله .. ملوله حاول إنك تجي فـي ليلي من البداية — عبدالله الحيلان

قالو تشوفه قلت انا واحلالاه اشوف زوله في حياتي دقيقه ):