اكذب عليك ان قلت لك خاطري طاب
ما طاب لي خاطر و لا طـاب لي جرح

لكن مـعاد بـْ داخلي … ( طاقة عْتاب )
و استحرمت روحي معك كثرة الشرح

- سمار

تركتك ' الأسفة ' و المُتعبة دونك
رحلت واحساسي اصدق من معاذيري

ماودي اسرق سنينك وآخذل ظنونك
و تحبّني .. رغم زلاتي و تقصيري

انا ادري اني عليك ، اغلى من عيونك
بس انت يستاهل عيونك احد غيري

- العنود الواصليه

لا والله ماني مرخصْك فـ الموادع ، بس
أنا لا كبر همي بـ قلبي .. قعدت أضحك

- ناصر مناحي

قبل ينهدم صرح الغلا والنفوس تشين
'فمان الكريم اللي عطاياه ماتحصى'

اتركني على كف المقادير .. بين اثنين
زمانٍ ماهو لقصى / وحظٍ ماهو لقصى

وتطمن تراك الي بقى لي من الغالين
يامنصاي عن كل البشر لابغيت انصى

- سعود مبارك

اليا نويتي بعد حبي تحبين
أمانتك حبي الشجاع السنافي

على الأقل يوم أخسرك من حمر عين
أهون علي من اخسرك عند هافي

- فهد الربوض

اترك هزيل العذر هات الفراق السمين
ما باقي من الليالي شي ما جابته

طوّفت لك مره وطوّفت لك مرتين
والحين يؤسفني ان الثالثه ثابته

بدّا دور الليالي ولا أنا ؟ معك انتهى دوري
ومعك معاد تنفع شرهتي وحكاي .. بـ المرّه
َ
فمان اللي زرع حبك بقلبي واصدق شعوري
وأنا شخصٍ ليّا ترجم شعوره ينكشف سرّه

رح لاخذتك الايام وليا ردتك عود
انا انا 'هنا' / بالنهاية و البداية

- حمود ابو عوينه

دخيلك لاتلفت رح بفالك و اترك المرجوج
تغانم مابقى لك ولا انا ما عاد يمديني

فمان الله سق ركبك على درب السنين العوج
ولكن طالبك لا اقفيت عني .. لاتخليني

- ضيدان

وداعي معذره يا الراحلين .. ولـ الوداع أعراف
أعرف أشتاق .. ما أعرف أتمسّك في يد المقفي

- سعود مهدي

روّح فـ أمان الله من غير تبرير
عيّت عليك أقدارك المستحيله

أوعدك حفظ السر . حتى عن البير
وإن زلّت الدمعه ، بحقك قليله

راحت بك ظروفك ولا رحت لـ الغير
وأنا أملك الغايه .. ولا أملك وسيله

مافي يدي غير إني أدعيلك بخير
مخلوق / ماعندي بـ الأقدار حيله

- سالم حمد

ودعتك النسناس يا ورد الأشواق
كرامتي تحكم علي الانصرافي

- سلطان الهاجري

أذكريني كل ما فاضت عيونك و افقدوني
و كل مادمعك نشدّ خدك و قال شصار بيده

و أذكريني كل ما جاتك من العالم لحوني
عقب ما كنتي من لساني تعرفين الجديده

- ناصر مناحي

رسالة وداع :

اعتقد لين هذا الحد بالعشق كافي
مابقى لك طريق ولا بقى لي وسيله

- بندر الدويش

ليتني في بعض الاحلام قصرت المسير
متعة الاحلام ماهيب في تحقيقها

- محمد بن نعمي

تعال قبل دموع عيني تزارق
يا مل قلبي منك ملٍ على ملّ

بالله دور حل غير المفارق
ترا المفارق حل يحتاج له حل

- خالد مبارك

عدّيت به سالم وحوّلت مجروح
وأنا احسبنه سلوتي و انشراحي

- عبدالله بن زويبن

حبيبي للغياب أعذار و أنت ارجع بدون أعذار
و لك وجهي و أمان الله و كل صدّاتك أعذرها

' غيابك علّم الدنيا تغيب ، و تذبل ، و تحتار
و علّمني عليك أبكي و ألوم النفس و أقهرها '

جعل عبدك بما يكسب صبورٍ قنوع
لا يحرم الجياع ولا يحسد الشباع

- سعد بن جدلان