ليه الانسان يصحى من النوم عنده مشاعر تجاه حد؟؟ يعني ليه اول ما افتح عيوني كذا احس انه فلان واحشني؟.. طيب انا باقي ما قلت بسم الله حتى والله…

ياحلو شعور الإنسان اذا عرف انه محبوب هالكثر 🤎…

يالله كيف انه يخووف الحوار اللي يدور براسك.. كيف إن عمرك ما عرفت ولا بتعرف حقيقة مشاعر ونوايا اي حد تجاهك من اقرب صديق لأبعد عدو…

ووودي ارجع اكتب من جديد بس للاسف ماقدرت.. وصار لي فترة طويلة ماكتبت.. واليوم جلست اقلب ف النوت على امل القى حاجه كتبتها قبل كذا.. يعني تعبر عن شعوري الحالي …

عارفييين وش اسوأ حاجة بتقابلونها ف حياتكم ! انكم تسووون نفسكم متجاهلين حاجة وهي ما تروح من بالكم اساساً…

احب اللي كل ماتجي فرصة وصل يعبرون فيها عن غلاي او يذكروني بانهم موجودين.. يعلقون ف سناب او يرسلون ف تويتر "وينك" ب غيابي واذا جيت يرحبون فيني.. هالمحبة ماتكلف والله بس انها تاخذ القلب وتسر الخاطر فعلاً.. غلاتهم بقلبي للابد…

طيب ليه كل حاجه صعبه كذا؟ ليه مافيه حاجه سهله؟ يعني معقول نبقى عايشين نحارب طول الوقت !…

يااخخخي في احد انا قلت له لا تكلمني مره ثانيه طيب ياليته يكلمني…

صدق الغلطان كم فرصة يستاهل؟؟ …

كل يوم لازم نتأكد ان الحياة ما كانت بالسهولة اللي حنا متخيلينها.. مافيه مرحلة بتخلص وتنتهي ونرتاح بعدها.. مافيه شخص او موقف بنقدر نتجاوزه بنسبه ١٠٠٪ .. الا مايخلي اثر داخلنا لا يعلمه الا الله…

شهر مليان بالمشاعر الحلوة❣️❣️❣️…

صباح الخييييييير أنا وقلبي اليوم مشرقين اكثر من الشمس…

عامة يعني وبدون دخول في التفاصيل.. اي أحد بشوفه يلبس حاجات باللون البني بعرف ان ذوووقه حلو.. اللون البني ياخخخذ العقل واشوفه مااخذ حقه.. ف ي ليت لو تكثروون من البني…

ص صصص صصصباح الخييير مسافرة لـ اكثر شخص احببببببببببه🤎🤎🤎🤎🤎🤎…

انا وفهده مستقبلاً …

محد فينا بيعيش مكشوف بالكامل الله دايم ساترنا.. بضعفنا وعيوبنا وظروفنا اللي لو شافوها الناس انكسرنا ..لانه لو تنعرض كل لحظة ضعف لنا الحياة بتكون مستحيلة ..لذلك لو قدرتوا تسترون ع احد بكلمة او حتى ماتنقلون عيبه للناس ..سووها عشانكم انتوا الله يستركم بالوقت اللي تحتاجووونه…

فيه كلمة ومقتنعة انها اعظم كلمة تواسون فيها شخص "فداك"..فداك شخص فداك سيارة واحياناً فداك كلمة ..اي شيء يصيرر فدانا طالما عايشين بالحياة ..اي حاجة تضيع مو مهمة المهم وجوودنا بالدنيا مايضيع ..ومستحيل الغيها وطول عمري بقولها مهما كان اللي قدامي وحسسني انه ماتكفيه…

ماكانت تستهويني فلوقات اليوتيوب ولا اتفرج فيها ابد واحياناً انسى انه هالبرنامج بجوالي.. بس لي اسبوع طايحه ع فلوقات راكان الشايع وعاجبني محتواه مررره.. من سوالف ولا ثقافة او شعر وقصايد كلها موجودة.. رسمياً صار اليوتيوبر المفضل بالنسبه لي❣️…

اسوأ شيء تكون انسان ما يؤمن بالعوض.. تخيل انك تفقد شيء غالي بالنسبة لك وبعد فترة ربي يعوضك.. وبدل ما تفرح بالعوض تتحسر على انك ما امتلكت الشيئين في نفس الوقت…

عندي عداوة وكرهه مب طبيعي مع اي احد يشوف العيد يوم عادي ويشغلنا ان العيد ماله طعم ومافيه حماس.. وهو ما عنده اي سبب يمنعه من انه يكون مبسوط ويعايد المسلمين…