خفيف العقل ياكثر ماينكشف خافيه يحسب العرب جهال يوم اتجيهل له تعرض له الكلمه مثل خوذة التمويهه وينثر رصاصه من بطن بندقه كلههه

بين عسرين المواقف وذربين المقال لا تجي مثل الهزيمه بـ وجه المشتكي مافتحنا المجلس الا لـ جزلين الفعال وكل شغموم لـ جور الليالي مرتكي وش تبي بالكلمه الناقصه يابن الحلال ومنطقٍ يشره عليه الغبي قبل الذكي ماينزّل قيمة الرجل فـ عيون الرجال غير طرّاد العذارى ،، و طرّاد الحكي )؛

عزم الرجل ما يظهر الا عند زرقات السهوم ولا السعه حتى الهنوف تهوش دون اخوانها

النفس عطها شفها لو تماديت استمتع ب دنياك واطعم شهدها ما دام راسك حي خذ ما استلذيت وروس الحبال يحلها من عقدّها

سواليف قالوا فيك ولا قالوا فيّ هذي مالها خانه وذي مالها خانه لكم دينكم ياهل الحكايا وديني لي ويبى يحاسب ابن ادم على منطق لسانه ورفيقٍ يعاتبنا ويزعل على اتفه شي مانبغي معه رفقه ولا نبغي اميانه علينا من الدنيا ضغوطٍ ماهيب شوي وهو يحسب إن الله خلقنا على شانه

ليت هالدنيا مثل مدّت ابوي لا عطا.. ما ينتظر رد الجميل

“إنَّ الصلاة على النبي غنيمة من حازها حاز الكرامة وامتلك فُز بالصلاة على النبي مُرددًا صلى عليه الله ما دار الفلك”

يا إلـهٍ بذكرك تطمأن القلوب اكفنا يا مكافي شر ما في الغيوب واكتب لنا الحساني واعفو عنا الذنوب لا وقفنا تحت ظلّك حفاةٍ عراه

ياكم طيبٍ يشتهي النآموس حآول ولآكن البخت شحّآح ترى الكريم إلي بدون فلوس مثل آلشجآع إلي بدون سلآح سعد علوش

كل ما جادلني الجاهل أشوم وما تشرّه لو يقول الثلج دافي قلت كل الثلج دافي

بعد طوفان نوح وحادثة سد مآرب ماغرقنا سوى بافكارنا العنجهية بين غامر تعيش وبين سدد وقارب القرارات ماتت والهواجيس حيه لاتنزل شدادك عن ذلول التجارب يمكن تطيح بكره تحت خف المطيه اخذ هرج المفوه واخذ قلب المحارب واخذ صمت اللبيب وخل صمت البنيّه

تاخذني ظروف الحياه السريعه و القاك عقب البطى .. مثل ما كنت انا ادري ان ضاقت علي الوسيعه محدٍ موقف لي على ساق غير انت

خل مافي خاطرك لناس واشتر راسك لاتصحي غافلين ولا تبيت . . . نيه مايزعزع مستواك وطبعك المتماسك كون تدقيقك على الكلمة وهي عاديه "

راحةٍ في غير ذكر الله كلامٍ فاضي ونيةٍ ماهيب لله .. خاتمتها شينه

توكَّل على الرَّحمن في كلِّ حاجةٍ ولا تؤثرنّ العجز يوماً على الطّلب ألم تــر أنّ الله قال لـمريـم فهزِّي إليك الجذع يسَّاقط الرُّطب ولو شاء أن تجنيه من غير هزِّةٍ جنته ولكن كلُّ شيءٍ له سبب

مدركينٍ هقوة الطيب عند الطيبين وان تردى وقتنا ماقصرنا دونها ㅤ نستحي والله كريمٍ يحب المستحين وحافظين سلومنا والعهود نصونها ㅤ وان كرهنا فالعرب نكره المتكبرين مايتكبر فـ الرجاجيل غير عفونها

علومه تجيني وادري انه طليق حجاج ذنوبه كثيره مير صوّام . . ومصلّي على العام مستهدف قصص يوسف الحجاج وعلى الخاص ماخذ جرّة الحاج متولّي

حنا عرفنا كلنا ما طال من شيٍ قصر والاحلام ماتوا قبلنا شرهين ما وصلو لها حتى الجمال اللي تحملها الهقاوي بالصبر يالله بحملتها تقوم وتدرج بحمولها . . سعد بن جدلان

حنا كبرنا على المشروه والانتقاد سمه تغافل تجاهل سمه اللي تبيه حتى الرفيق السنافي والرفيق الحشاد من خيّب الظن منهم ماشرهنا عليه يمرنا يعتذر عقب الزعل والعناد ويروح من عندنا ماسمع شرهه وليه ان قال كبوة جواد نقول كبوة جواد وان قال طيحة جمل قلنا جمل ماعليه مبارك بن رداعه

الفوز ماهو فوز كـوره وبالـوت ولا شعـر ولا مـزايـن قبـايـل الفوز والله توبةٍ تسبـق المـوت قبل الوداع وقبل شـد الرحايـل سعد بن جدلان