الكريم اليا عطا شي مايذكر عطاه راهيٍ جوده وعنده على الطيب رهوه والبخيل ان كان قهواك مره فالحياه كل يوم يقول سويت لفلان قهوة

تغانموا فعل الجمايل مع الناس الناس صعبات الظروف اجرحتها فعل الوفاء والخير فالناس نوماس الطيب فوق الأرض ماهو تحتها .

اذخريني للمقادير وعجاف السنين والظروف اللي هبوب الزمان تهبها واطلبي مني والبي وش اللي تطلبين " لو تبين . . ازل روحي غلا واصبها " شاعرك ، قدام حسنك من الفتنه يلين ياخذ من ضلوع صدره حطب ويشبها

في غيبة الوازع الديني و موت الضمير وشلون نبغى المشاعر فالصدور أتحيا َ الشخص ماينحسب عند العرب فيه خير لا صار ما فيه دين ولا بـ وجهه حيا

ضحية عواصف ذهن مُتعب وتكّة زور بواقع قوي اشوف بإن الخيال اقوى اذا منكتب لي في عذابك نعيم الجور هواي العذاب وكل نفسٍ وما تهوى

ثلاثة أدعية لا تنساها : اللهم إني اسألك حسن الخاتمة اللهم ارزقني توبةً نصوحاً قبل الموت اللهم يا مقلب القلوب ثبت قلبي على دينك

وجهي من الطيّب مغير يتواكل وشلون اجازي صاحبي فالمواقيف ارمي على كتفه كبار المشاكل ويرمي على كتفي كبار المعاريف .

خفوا على الناس من كثر العتب والملام « يكفي ظروف الحياه اللي يعيشونها ».

أنا جرحت أهل الحكي بـ ابتسامه وشلون لا طال الكلام وتكلمت .

مدري من الغزلان والا فيك من وصف المهار لكنك ارقى من وصوف الناس واحلى واغلى

أسافر على متن السحَابة، وأدفّ الريح ورى غربتك وآخر منازلك، وبلادك وأمر الليالي بـ الطواريق والتجرّيح لا جاد الزمان بكل طعنة، ولا جادك أعرفك وأعرف انّك عمر مايبي توضيح يطول المدى؛ ماخانت البيد ميعادك عسى ليلةٍ فيها من الشكّ والتبريح فدى ليلةٍ فيها مجيّك ومعوادك

كل البشر بـ انواعها تملك احساس لا يغرك اللي ما بعد جاك يشكي ترا اللي يضحك دايم ويسعد الناس لو سولف وقال الحقيقة بتبكي .

حبك مثل صفق المطر يضرب على قاعٍ ثقيل يحيّي العروق الميته فـ القاع ويلحقها الندى

كثر الله خيركم يا اصحابنا المتلوّنين الوعد قدام والساري بيلقى له خوي إن تجملتوا ترانا عند ظن الطيبين وإن ترديتوا عذرناكم وحيل الله قوي

استهلي و افرحي يا جعل خيرش مع عمرش مديد ابشري مادام حاكمش بو سلمان قايد وربانها هو ملكنا هو ذخرنا قادنا للعز والراي السديد طور الدوله وبسمه مشت بشكالها والوانها وقف الي لنتخاه وصارله درعن مجيد ذاك سلمان المفاخر مروضها وسلطانها #عبدالله_بن_حويل

انت نعمه ينحمد ربي عليها انت غيمً شايل ً وسطه مطر حاول الاسواق تبعد لا تجيها والله انك على العالم خطر #عبدالله_بن_حويل

الشوق ياتيني بلا سابق انذار ودقات قلبي كل يومً تزايد ليته يحس فماحصلي يا لقدار حتى نهار العيد عيا يعايد #عبدالله_بن_حويل

والله لولا الخوف ومعاتب الناس جيتك ونا هايم وصارحك وقول انت الحقيقه شخص يحتاج حراس مايصلح العالم تشوفك على طول #عبدالله_بن_حويل

"تجيني ضحكتك مثل البشاير في عيون الضيق وأنام وفي عيوني ضحكتك.. والقلب في راحة بخوض من الحروب، وبنتصر، وأظمأ، وأبلّ الريق من اللي يخسر بحرب الحياة ووجهك سلاحه؟"

تستضيف جمعية الصداقة العُمانية البحرينية نخبة من الشعراء في أمسية شعرية بعنوان “في حب عُمان والبحرين” يُشارك فيها الشاعر العُماني كامل البطحري كامل البطحري ، والشاعر البحريني عبدالله المري عبــدالله بن حويــل 🗓 السبت، 9 أغسطس 🕗 الساعة 8:00 مساءً 📍 مجمع السلطان قابوس الشبابي – صلالة