مليت ياتويتر ... وملوني الناس
هذي تغاريدي ...وهذي حروفي

ماعاد فيني.. للمشاريه أنفاس
تعبت ماالشرهه اهز الكتوفي

بغيب عنك شوي وان غبت ﻻباس
يرتاح تفكيري ويرتاح شوفي

لوكان مالي غيرك اليوم جلاس
لكن هذي ياتويتر  .. شفوفي

🎈27/5

'it's my Birthday '
اليوم اتممت عاماً جديداً من حياتي فأهلاً بـيوم يضم عيد ميلادي اللهم غيرني حتى تحبني اللهم آني أستودعك سنه مضت من عمري فاللهم أكتب لي الخير فيماً هو أت وبارك لي في العام الجديد.

أجاهد غيابه والطواري وضيق البال
وأردد عسى مايكرهه خاطري خيره
⠀
ولكن غـلاه بكل حـالٍ من الأحوال
عذاب الخفوق الصعب وأجمل مقاديره
⠀
عليه السلام وخالص الود والاجلال
وعلي الهـيام أخفيه ، ويلوح تأثيره

حـاااولت اخبي ولكن .. ماقدر اخبي
لو هي بيدي بوووسط العين خبيتك

الناس بـ بيوت تسكن وأنت في قلبي
بين الشرايين وعروق الحشـاااا بيتك

ماخترت أحبك شعور الحب من ربي
الله كتبلي غرامك يوووووم حبيتك ..

ماجيييت دربك وقفت أنت في دربي
صدفه وكانت سعيده يوم لاقيتك

طبعك تغير ياهوى البال وش صار
أشوف كنك ناويٍ لـي بصده

فـي حبكم يامشغل القلب محتار
بين الرجا والياس قضيّت مده

ياحيلة الله صرت قـاسي وجبار
واللي تولع فيك بيّحت سده

خدعتني وأصبحت خاين وغدار
وأنـآ أحسب اللي يودك توده

عقب الوفا بدلت طبعك بـالإنكار
وين الوفا وين الغلا والموده

يا هنوفٍ دونها العمر ما هو بـ محسوب
الزعل تبت يدينه ، وما جابت ، وتـب

اقبلي مثل الهمايل على القاع الجدوب
و وقفي لين اسرق النوم من شط الهدب

وانثني مثل الخزامى ليا هبت هبـوب
واثبتي مثل المواثيق ، ما بين العرب

وإقلطي لا جابك الشوق فالصدر الرحوب
وهزي جذوع القريحة ، تساقط لك كتب

اغيب و ابعد وانشغل واحاول انسى مانسيت
ماتنسى ذكرى السنين اللي معك قضيتها ٰ

حاولت كم مره وكم مره ولكن ماقويت
حتى لو ان ذكراك مامرت علي مريتها ،

ان كان عندك حل قلي سو كيت وسو كيت
في ذمتتي ماعااد بـه سـواه ماسويتهاا ..

لحظات واجد كم تمنيت الاقيك ،
وأبطيت لا صوتك بها او عيونك

انا انتظر رغم الموادع .. لياليك ،
وقلبي على حطة يديك وظنونك

' من كثر ما عندي أمل ألتقي فيك
صورت لك كل شي عشته بدونك ' .

خذ العفو وترفع عن الناس لو يخطون ،
ومن ظن فيك بسوء خله على ظنه

ترى سيئين الظن لأنفسهم يسيئون ،
يربي في صدره مخلّب وينجرح منه

ولا يشغلك تحسين ظن اللي يظنون ،
' ترى الناس ما بيّدهم النار والجنه '.

على كثر الجروح في صدري ما عرفت أعتاد
يجيني الجرح ما كنّ له دروب بداخلي رحبَه

وعلى كثر المفارق في الزمان بخاطري ما فاد
أنا للحين فيني من الحزن و الموادع رهبه

لعل الله أودع في جوانب روحي الأضداد
أحب أبعد عن الغالي مخافة وأحتري قربه . .

يدور الوقت ونعوّد على الماضي وحن شفقين
خصوصاً كل ما هب البراد .. ومالت الفيّه

ونسترجع زمان ٍ فيه من ولف وجناب ٍ زين
ما يغريني من اول وقتنا الحاضر وتاليّه

زمان ٍ فيه تلقى اول ملاقانا عناق يدين
يوم ان الوصل حي وجمرته يا صاحبي حيه .

خطيت ياخلي و أنـا مثلك اخطيت
ومـا فـادني صبـري ولا فـاد صبـرك

لا تـحسب اني كارهـك يوم صديت
قلبي علـى حطت يدينـك و خبـرك

سويت كل حاجـه تجيبك ولا جيت
وش باقي اسوي ؟ سوات الله ابـرك

الليل و العزلة و قافي و معناي
و الأمنيات الناجيه والغريقة

ياخذني التفكير فيها من أقصاي
لين الصباح يفك بـ الشمس ريقه

صدري وسيع و ضحكتي في محياي
لو إني من الضيقة أشعر بـ ضيقة

أصغر مشاريهي على أحلام دنياي
و إن ما صفت لي جعلها في حريقه .

مع كل مطلع صبح خلّك صديق الصبح
لأن الصبح سيّد الدنيا وتغيّيرها

وهذي الحياة الحياة الناس فيها حجر
إن ضاع لك ناس دوّر لك على غيرها

ولا تضايق ترى حتى غصون الشجر
تهبّها ريح وتطيرْ عصافيـرها .

ويش أسوي لا طلبت مواصلك ، والوقت عيّا ؟
ليه أجي ويدينك توادع ، و صوتك ما ينادي

أنتصفت الدرب .. لين الدرب وقفني هنيّا
احسب إني كنت أدل ومدري إني كنت غادي

يوم شديت الرحال إلى الغياب .. وقلت هيّا
صار كوكب الأرض بعد مفارقك سجن انفرادي .

يروح العمر واحلامنا دونها تشويش
وانا في رجا حلمي وعايش تحت ظله

ياكثر اصدقاء عمري لكن النهايه ويش
كسبهم قطار العمر والي بقى قله

ماودي يطيرك القدر مثل كوم الريش
وانا مابقالي غيرك انصاه وادله

ولاتكثر علي من الملام وكيف وليش
تراك الوحيد الي خذيت الغلا كله

من محطات الليالي ودورات الفصول
انتي اصلا في حياتي محطه فاخرره

مابقى للحب عقبك على صدري ميول
كل عرقٍ ينبض الحب لجلك ذاخره

لو يرد العمر والله يالظبي الجفول
لـ اعشقك من اول العمر حتى اخره

عقب طول الغياب و عقب فَرك الكفوف
أحسبنّي نسيت و جرح صدري برى

و كل ما أكبر معي تكبر عليه الشفوف
ليت قلبه يحس و ليت عينه ترى

ألتمس له عذر و أقول عنده ظروف
لييييين سوّى جريمه و أعتقِد ما درى

قبل يسري و أنا صاحي و عيني تشوف
مدّ كفّه و أخذ قلبي و قـام و سرى

لا خاطري طايب و لا بالي هدى
ولا أنت ما همك رضاي ولا زعلي

ولا تقول الطيب أخير من الردى
سويت لك لكن وش سويت لي

انا الي ضحكتك ،، وبكيت العدى
وأنت الي خليت العدى تضحك علي

لا تخليني على دربك .. وداعه
القلوب العاشقه ماهيب صلبه

ودي بوصلك لو إنه .. ربع ساعه
طالبك لو كان مافي الوصل طلبه

راضيٍ في كل شي إلا .. القطاعه
لا تقاطع واحد ' قطعت قلبه '