مرّني لاتاه دربك من زحام الحياة الغلا الي رحت منّه على حطت يديك.

"يا كم كنت أحث خطاي لجلك على المجهول ولا أدري وش أقداري معك يا أجملّ أقداري"

عن البال ما راحت طواريك لجل تْعود مثل كل ليلة طيش مرَّت على تايـب .

تعلمت السهر بعدك وأنا قبلك رفيق النوم ولا جاب السهر طيفك ولا عوّد علي نومي.

تمر وجيه و اشخاص و حكي و أزمان و وجهك بس له الفزه و تلفاتي .

ماهان حُبك مير الاقدار عيّت ولا لي على الأقدار قوه وحيله .

" تهاوت ضلوعي يوم خالف رجايّ الياس على دربّ حلمٍ عشت ابيه ولا ابي غيره ".

تحت دبرة الله ماعلينا خلاف و خوف تمر السنين وتمشي إن سرّت و ضرّت

معك عشت أول هزيمة بطعم الإنتصار والعيون تشوف ضحكتك ضمن حقوقها - سعود مهدي

"كل دمعةٍ أمطرت من غيمة عيوني تمنّت لو على يدّك تهاوت أو على شماغك تثور"

لك وسط عوج المحاني مكانٍ يحتويك ذا محلك يا مُنى الروح من بد العرب

والله أني في محيا وجهك الطاهر أماري و كل زين يمرني عقبك أمره و اتعدى

عزاي إني رغم شدة وضوحي ما عشقت إلاّك لكن اللي سرقني عن عيونك شدَّة وضوحي .

طواري الليل ما عدّت على قلبٍ فقد لاماك أنت مثل طيفٍ ليا مرني بالحلم أهلي به .

« أحبك دون غاية أو مقاصد أو نوايا أو غرض أحبك دون حجّة أو ذريعة أو مسوّغ أو سبب »

تحت هالتغريدة أكتب شي تؤجر عليه لعلّها تشفع لك

ضعت في ضجّة متاهات العمر مثل نجمٍ ضاع بشعاع الصباح .

انا ذاك الدليل اللي يعرف الدرب لكن تاه أفيد الناس، لكني بعدك أخلفت وجهاتي

حتى الطريق اللي فقد لمسة خطاك جيته على موعد جفى وانتظرتك وانتظرتك لين شاب شوقي وشاب الحنين

كيف أشوفك في فتور من الهوى وأنت إندفاعي شايفٍ فيك أجمل — أيامي صباحات ومسرّه