.. تفجَّرَت براكين هجسي وخطّيت اشعاري بالحمـم واحرَقَت نيران فكري كل ذكرى مؤلمه يا هاجسي هات الثقيل هز الـشوامخ والقمـم انا الذي حيّرت نفسي في ليالي مُظلمه .. 🖊 الفتى ﺍﻟﺮﺣﺎﻝ .." #بوح_آخر_الليل #هواجس #شعر

جيتك يا حبيبتي ابرك مجيه مثل الزقاره عقب الخرمه ✍🏻سلطان

معاد فيه ابياتٍ تهيضني ولا عاد به غزالً تستاهلها (:نراكم بموعد لاحق

يا حبيبتي غلاك كل يوم يزود مثل طيرٍ مزيون على كف شايب اخذه فرخ لين غدا عنده عود ولا باعه يوم كثرت عليه المصايب ✍🏻سلطان

يالزين يالي تناظريني بالسوق وانتِ وسط اهلك و اخوانك ما لديت فيك ماني مطفوق ان كان ماهو لي على شانك وان كان ثوب الحياء مسروق انا في وجهي حياء من شيبانك ✍🏻سلطان (وان كان ما ودي اكتب بالهموضوع لكن الابيات جت) نراكم بموعد لاحق

طول عمري ما تسلفت من فلان لكن حدتني ضروفي على الي ما ابيه يوم التفت لقيت اخوياي اخوان الحمدالله ما شفت ردا فالي اخاويه ✍🏻سلطان

والله ان لي عن لذيذ النوم مده كل ما جا الليل ذوقني عزاير وكل ماحطيت راسي عالمخده فز قلبي من ورا حدب الضماير صرت مثل اللي فضخ عينه بيده لا تلوموني . . لا هليت العباير الحشا . . قد بيحت الايام سدّه والصدر محروق من شرب الزقاير

لسان حالي يقول: وشلون ابوح ومن عليه ابوح ؟ وانا الثقيل ابو الشعور الذرب

طبطب على كتفي واخذني بالاحضان واسألني شلونك ؟ ولو كذب ، عادي ترى الكلام الحلو في بعض الاحيان يخلّي الاحلام .. بين الايادي (انا بحاجة صوت هادي وتحنان ) سولف عن التحنان وبصوت هادي وساعدني ألقى فيك راحه وسلوان تراني بوادي .. وقلبي بوادي ..

ابتلشنا بالكلام الكثير وبالخبول الله من قصر الايادي وطول الالسنه

جاك القصيد الي تحبه يابو سلطان وانا لي ايام مبطي عن القصايد دخلت لي جو كل ابوهم غزلان ولو كان ما ورا شوفتهم حصايد مغير اسلي القلب و اطرد الاحزان لعل القلب يفرحه الغزال الشارد ✍🏻سلطان (ابيات تجديد العهد)

يا مدورين للعلوم و مكثرين السواليف اركدوا قدام نوسمكم بوسم العار فاضت القريحة و امتلى الراس بالكيف و جات ابيات الهجاء مجي الابن البار لكن استحينا و في وجهنا حياء ياضعيف ولو كتبنا الابيات شفت نجوم الليل بنهار ✍🏻سلطان #سفر_الدغيلبي ،#شاعر_الكون

يابنت لو لبست البدل و عدلت اللوك فيني شيم بدوني ما تغيرها الحضاره ✍🏻سلطان

مريت باشياء واجد يابو سلطان شيً قلته و شيً ما قدرت اقوله ✍🏻سلطان

انا لي خوي اسوق العمر لفديه هو اخوي و محزمي و ابن عم جعل الليالي الي حدتني ما تجيه ولو زعلته الليالي اكسر عشانه امم ✍🏻سلطان

مرت سنين ولا دخل قلبي انسان خايف على قلبي من الحب يا حمود مجنبه درب الهوى قدر الامكان وهو بعد جنه جفل منه بزود وفجاءه تفلت كني اليوم سجان ماصدق اني ممنه قطع قيود روّح يقول الي مضى كبوة حصان والحب ماينقص ولا فيه منقود (نراكم بموعد لاحق )

البارحة وسط اوروبا لابس الكوت واليوم عند البل عاصب الراس البارحه كني حوتٍ ولد حوت اضرب اليورو دون حسبه ومقياس وسط البنات الي كنهن حب التوت تخلي الريق الرطب يغدي يباس ثم مرت وانا من الفرحه بموت ثم إبتسمت و عيت تطلع الانفاس ثم تكلمت و عيى يطلع الصوت قالت كيف الحال قلت لا باس ✍🏻

أُحِبُّ الصالِحينَ وَلَستُ مِنهُم لَعَلّي أَن أَنالَ بِهِم شَفاعَه وَأَكرَهُ مَن تِجارَتُهُ المَعاصي وَلَو كُنّا سَواءً في البِضاعَه

اشتقت للي لا جيتها زعلان و الزمن يا محمد يضيقي اخذتني بوسط يدها و لاحضان لين اصبحت بحبها غريقي ✍🏻سلطان

ومن يومها مشاعري صارت حطام والعاطفه طخت وصارت بليده تشابهت كل الاسامي والارقام متساويه فسمولها والجديده لو للقلوب اسواق بايع وسوام والله لعرض القلب وسط الجريده واللى يقول انه شقاوي ومنظام (يجي يبدلني بقلبي وازيده)