نطوي مع الايام عام ورا عام وتمر ساعات الفرح في دقايق ايام راحت بالعمر مثل الاحلام يوم بها زعلان وايام رايق درست من دنياي واتعبت الاقدام وبدلت عن بعض الطرايق طرايق

العام لي معهم سواليف ومزوح واليوم ماكنّ الهوى قد جمعنا .

يا ربي الذنب والزﻻت مجتمعه وأنا بـ رجواك .. هونها / وزيّنها ،، اليوم جمعه ويا ربي بـ هالجمعه زﻻت عمري قبل تدفني ( إدفنها )

الا يالله طلبتك طلبة الي ماعبد الاصنام ولا يرضى بغير الشرع تحريمه وتحليله ولا يرفع يديه الا لعرشك والعباد نيام ولا صلى لغيرك لامضى الثلثين من ليله .

انا خسرت احباب وايام واحلام ماعاد تفرق لو خسـرتك معــاهم .

ياعزة النفس ما هنتي ولاملتي لو كان بعض الأوادم بان تقصيره وأنا مع الناس عارفٍ وش مشكلتي أعطيت بعض العرب فوق تقديره .

أمرّ بمرحلة صح ، أو خطا ، أو صدق ، أو تكذيب كأني تايه في شيء ولاني عارف أقداري أنا يارب ما أدري وش اللي ينكتب بـ الغيب ولكن رحمتك أكبر من اللي فيه أنا داري

خذيت مني عمر والعمر م يرجع وعطيتني جرح لا يرحم ولا يشفى ..

من لا يوردها مواريد الابطال يشرب من كفوف الليالي غبينه .

الخاطر الي ما تعرف تجبـره لا تكسره و الجميل الي ما تعرف ترده لا تنكـره .

جعل دارٍ سيّس أركانها .. " آل سعود " ماتشوف البأس على مر السنين💚🇸🇦

على العز يا دار المعزه ودار الخير على العز دايم والعلم بالسماء مرفوع .

من جرب الغربه عرف قيمة الدار ومن جرب الفرقى يحس بوجعها .

صلوا وطيعوا ربكم تستريحون مامن ورا طرد الملذات راحه .

بمناسبة شهر رمضان المُبارك كل عام وانتم في سعاده وفي صوم يامسلم لخيرات شهرك تدارَك لايروح شهر الصوم ف الاكل والنوم .

أمي ليست يومًا ، أمي عمراً ، طاب بكِ العُمر ياسيدة النساء و طبتِ لي عمراً ياجنتي🤍. #يوم_الام_العالمي

كل عام وانتم عايدين وفايزين وارزاقكم وافراحكم متزايده الله يعيده عند كل المسلمين ويغفر لقلبٍ ماقدرنا نعايده .

قوي العزايم ما يهمه كلام الناس يسوق الطموح لغايته لين يدركها .

لا شفتك أنسى الزمان الشينّ وعيوبه حتى السوالف معك ربي محليها ..

العمر مرة والقلوب البيض ماتبغي دليل والناس لا طابت نواياها تطيب حظوظها