أنا الآن يتخرطفن قدامي شورين، واحد يقولي مطعم السعاده، والثاني يقولي مطعم هيا الاندلس، وفيه ويحيدن يقولي اهجع، ارقد ، وهذا انا اتشاور انا وقريني.

"الصفري" من المواسم المتعبه جسديآ، اي لفحة مكيف، أي برودة ماء، تسبب احتقان، وتهد حيلك وتشعر بالتعب والخمول في جسمك، وهو الموسم الوحيد اللي ماحبه، الصيف وحرورة الصيف عندي أهون منه.

وانا راجع من توصيل أغلى البنات للمدرسه، مريت الجمعيه، وعند الكاشير لقيت سايق يحاسب على جريده يوميه، الظاهر مطرشينه معازيبه يجيبها. معقوله للحين الجرايد اليوميه يتم اصدارها، ومعقوله للحين فيه ناس تقراها.

مجرد سؤال... للقائمين على تلفزيون الكويت.... في برنامج ليالي الكريت، وعلى الهواء مباشرةً، استضافة نائب رئيس مجلس إدارة شركة ڤولڤو، ولقاء وحديث عن سيارة ڤولڤو، مع وجود السيارات في الاستيديو. هل يجوز ذلك ؟ وإن كان يجوز، هل هو متاح لجميع الشركات ؟

مايُسمى بالمشاهير كُثر،حجل واطوق، ومحترم، اذا بغيت أتنرفز، أطالع واحد من هالمشاهير، اللي يدبل الكبد، ومشاهده يغث، ويتصنع الشي تصنع، ويحب يستعرض اتفه الأشياء، حتى لو انه فنجال، حتى الكلام يتصنعه تصنع.

عملت تحديث لجهاز تلفوني، وكل ماأدخل على سهل، يقول لم يتم التعرف على الوجه، شككني بوجهي، ووجهي هو هو ماتغير. لا تحدثون.!!

شسالفة هالمحليين الرياضيين، اللي يحللون مباريات الدوري الكويتي، طاق البدله ،والكرافته ويحلل،الهون أبرك مايكون يالحبيب، ترى الدوري عندي واعشيك، مايحتاج كل هالكربه.

هالحين علمونا من اللي انتصر أهل غزه والا الصهاينه؟

عطونا الله يعطيكم، بيت مكه يوديكم. #اللهم_زد_وبارك

هالسنه تركي آل الشيخ ماستضاف الفنانين المصريين في مهرجان الرياض، قام سويرس ورعى مهرجان الجونه، وجابوا نانسي عجرم، وولعتها وخلت الوضع هشك بشك، والعِجز انهبلن في الهدوم اللي هن لابسات، وياربي سترك، وياواش ياواش ياسيادة المستشار.

هي صاجه...

أُشهد الله على محبة هذا الرجل. وفقه الله لما يُحب ويرضى.

وزير التربيه !!!!

من أجمل ماقرأت، وسمعت منذ الإطاحه ببشار الأسد، وصف الشرع وربعه بالأمويين، أو بنو أميه.

الساده رئيس وأعضاء مجلس إدارة جمعية صباح الناصر.... كافي بربسه... الظاهر مهمة إدارة الجمعيه أكبر من أمكاناتكم المتواضعه، صارلكم شهر تجردون، والجمعيه شبه فارغه، واعلانكم أن الجمعيه ستُغلق يومي الجمعه، والسبت، ولا زال الغلق مستمرآ. انتوا شقاعد تسوون !!!