حنون في أيام الملكة، وبعد الزواج أصبح حنانه مضاعف، مضاعف حد أن كل مرة استشعر حنانه أبكي جرح نسيته وما بكيته.. كل مرة يحنّ علي فيها يشفي شيء لم يكسره

( ولا تيأسوا من روْح الله ) المقصود هنا بالروْح، رحمته / فضله / حنانه.. يارب اوعدنا

كل ما شافني مقبلة عليه وأنا : مكشرة / كاشخة/ صاحية / غاضبة / .. يرفع صوته ويستشهد بقول الرسول عليه السلام : ( اذا نظر اليها سرّته ) ويبتسم ايييه يا شيييخ راح زمن لا شافوني قالوا سكنهم مساكنهم

تعرف لما كل يوم كل يوم تهيأ نفسك لهاليوم وتستعد له .. ولما جاء هذا اليوم كل استعداداتك كانت كاذبة وواهنة؟ مدري ما جربت بس الله يكون بعون اللي جرب

اخيرًا بهالسنة سيتم تفعيل "اللي ما عندها رجل ما تحتفل ، الرررجل هو الوطططن" 🤚💚

"قدنا اثنين يا صبح الاثنين" ❣️

سر الـ Glow up هالشهر : "جاء تشرين إن وجهكِ أحلى بكثير .. ما سره تشرين؟ جاء تشرين يا حبيبة عمري.. أحسن الوقت للهوى تشرين" ونتدبرها بقيّة الشهور.

أحس إنه حاسة خشمي متغيرة علي من بعد زكمة كورونا، بس ما عندي دليل للحين

أحب اللي يحفل باللحظة، مو اللحظة اللي تستحق التخليد! لا اللحظة العادية، نعمة اليوم الهادي واللحاف الدافي وجبة شهية لذيذة وبرنامج ممتع وشمعة ذو رائحة رائعة .. أحب اللي يحفل ويتمنّ للحظة العادية في زمن يمل من العاااادي والتكرار

لا تجننوني وش يعني باقي ٢١ اسبوع على رمضان وششش وأنا للحين أحاول اخلص شارع الأعشى

كل جمعة تحمد الله على إنك مسلم موحد عابد روحانية بخور قهوة ذكر وعبادة عيد المسلمين وبس ♥️

يارب ميّزني.. ما أقدر أعيش عادي *

شيء يشبه نفسيّة اللي قالوا له : أمطار خير وبركة يا ابو فهد قال له : من عند الله مهوب من عندك

أيام الخطوبة كنت أقول : "مشغولة بحط ماسك / شعري فيه ماسك / حاطة ماسك الحين ) وبعد الزواج شافني أحط السدر ولا عندي غيره .. قال هذا الماسك اللي كنتي كل شوي تقولين حاطته ايام الخطوبة ؟ طلع سدر ابو ريحة بالله هذا عصير جوافة؟

"يا دافع البلا نكبر ويزيد الحنين"