يامرحبا والله يحييك يالعيد
والله يعيدك بالسلامه علينا

جمعه وفرحة واجتماع الأجاويد
ولقياء عرب غالين****منا وفينا

سنه من الله خصها دون تحديد
عقب الصيام وعقب ماحن دعينا

وعسى اليالي عندنا ****كلها عيد
وعسى السعد في دارنا ما حيينا

#الشاعر_ناصر_غالب_التميمي
#عيد_الفطر_المبارك

كل عام وانت بخير ياسيّد الأحباب
وكل عام وانا أقرب *** الناس منك

يامنوتي والعيد**في شوفتك طاب
أبهر عيوني في**** وصوفك وفنك

ضحكك يفك ابواب ** ويقفل أبواب
وانت الوحيد الي**** فوادي يحنك

#الشاعر_ناصر_غالب_التميمي
#كل_عام_وانتم_بخير

28 | رمضان 🌙
أفعل جميلك واتركه عند واليك
معوضك ربي ولو تجحد الناس
ولاتخسر أنسانٍ*** يحبك ويغليك
ماكل قلبٍ فيه ***نبضٍ وإحساس
وف الناس دايم***لاتكبر هقاويك
دام المواقف**** للمناعير مقياس
رجلٍ على الخوه**وطيبه يباريك
ورجل يعيش وماخذى يوم نوماس
#الشاعر_ناصر_غالب_التميمي

27 | رمضان 🌙
ياالله تغفر لي ذنوبي ليا أذنبت
وتذرنا من شوف حمر اللهايب

وتلمني بالعفو** لا من تغربت
في قبر مابه**لا نزلته حبايب

لاح البياض وضن بالوقت قد شبت
والعمر مايرجع*****ولو بالطلايب

لك الثناء والحمد** أعداد ما سرت
وأعداد ما رشت**مزون السحايب

#الشاعر_ناصر_غالب_التميمي

٢٤ | رمضان🌙
لاصرت ترضي الله في كل الأحيان
ماهو ضروري عّنك الناس يرضون

ون صار طيب النفس مبدأ وعنوان
وش حاجتك بالناس مهما يقولون

أكبر عطايا الله لك***روح الأيمان
والي فقدها عاش** الأيام مغبون

روح الأمل يحييابها**كل أنسان
والله يسهل حاجة**الي يصلون

#الشاعر_ناصر_غالب_التميمي

أرفع يدينك يافتى واطلب الله
ماخاب من يرفع يدينه وينصاه

وأحذف هموم القلب دقه وجله
والي دعى ربه فلا هوب ينساه

واقراء كتاب الله دايم وصل له
من يحتمي بالدين خالقه يرعاه

والله يغفر كل ذنبٍ وزله
ومن قدم المعروف لامات يلقاه
#الشاعر_ناصر_غالب_التميمي
#العشر_الاواخر #ليلة_القدر

نمشي على النيات وقلوبنا بيض
ون ضاقت الدنياء على الله شكينا

وصدورنا ما تحمل الشك والغيض
وعلى بياض الوجه **لامن مشينا

وسلومنا مابين***أهلنا مفاويض
وعلى سلوم الطيب***حنا ربينا

ولاحن ندور للجمايل تعاويض
ياما جميلٍ راح *** منا نسينا

#الشاعر_ناصر_غالب_التميمي

٢٠ | رمضان 🌙
الله يالأيام هونك علينا
مر الشهر بغضان لحضة وساعات

والعمر يركض غير وش هو بيدينا
الله يسقي كل ماضي*** لنا فات

ياما ضحكنا*****بالزمان وبكينا
وياما نعدي**** هاليالي سهالات

ون ظاقت الدنياء ماضاقت علينا
أمر السعه من عند رب السموات
#العشر_الاواخر

19 | رمضان 🌙
يارسـول اللَّه لـك أجـمـل تـحـيه
من شجـون القـلب ترسل بالنيابه

وانت أجـمل حـب عاشته الـبريه
يوم حبك عاش من عهد الصحابه

تـفتـخر فـيك الحـروف الأبجدية
والشعر تكسيه من مدحك مهابه

جيت رحمه ساقها المولى هديه
يـوم نـورك لاح بالكون وهضابه

#يوم_الجمعة #ساعه_استجابه

19 | رمضان 🌙
عشر الأواخر أقبلت يالأجاويد
والله يوفقنا ** على ليلة القدر

أدعو كريمٍ لاعطى خيره يزيد
الواحد الجبار ** قضاي الآمر

تمشي تحت آمره المزون الرواعيد
ويهل من رحمته همال المطر

والله يبلغنا****على فرحة العيد
ويختم لنا بالمغفره هذا الشهر

#الشاعر_ناصر_غالب_التميمي

١٨ | رمضان 🌙
رمضان شهر المغفره والسكينه
وقرباء من الله وإجتماعٍ للأرحام

ورمضان شهر ٍبين الأشهر يزينه
الله يعوده **عالمحبين كل عام

ضيفٍ على أهل الباديه والمدينه
وفرض كتبه الله على دين الإسلام

ياسعد من يرفع***لربه يدينه
يبشر بعزه في**مقاديم الأيام

#الشاعر_ناصر_غالب_التميمي

١٨ | رمضان 🌙
لا صار مالك وقفةٍ مع قرايبك
جمايلك للناس راحت دواره

وترى الصديق الي بحبه يعاتبك
ومعارف الأجواد أكبر تجاره

ومدارس الأيام تعطي تجاربك
والرجل يصبر لين يلقى الصداره

خلك وسيع القلب والطيب مذهبك
مافيه طيبٍ راح **** منا خساره

#الشاعر_ناصر_غالب_التميمي

١٧ | رمضان 🌙
خلك جميل الطبع وجميل الأخلاق
دام البشر تفنى ويبقى عملها

ولاتدفن أحقادك وراء بير الأعماق
أهل الردى ما تجني الا فشلها

والمرجلة وقف لها لو على ساق
وأخيار ربعك لا تدور بدلها

واترك كلام الناس مابين الأسواق
والكلمة الي تصلح الناس قلها

#الشاعر_ناصر_غالب_التميمي

16 | رمضان 🌙
يالله تبعدني عن الضيق والهم
وتيسر الي منشغل** فيه بالي

ماغيرك الي بالمخاليق يعلم
ولا غيرك الي بالشدايد طرالي

ويالله تغفرلي ذنوبي ولو جم
وتسعدني وتسعد معي كل غالي

ويارب تكرم من فقدنا وترحم
وتجعل لنا يوم القيامه ضلالي

#الشاعر_ناصر_غالب_التميمي

١٥رمضان 🌙
قبل أمس كنا ننتظر ساعة الصوم
واليوم مرّ ***بغفلة العين نصفه

ياعجلة الأيام ** بالأمس واليوم
ياقل من يلحق** طموحه وشفه

وعز الله ان الي من الوقت محروم
من غاب عن**صف المصلين صفه

أقرب من الله يافتى وأطلبه دوم
مارد مخلوقٍ******رفع يوم كفه

#الشاعر_ناصر_غالب_التميمي

١٤ | رمضان 🌙
حنا عيال الطيبين الأجاويد
الي لهم في مرقب العز طاري

أجدادنا ياتميم كانو صناديد
وحنا على طيب المواقف نباري

الضيف لا جانا غدى يومنا عيد
ولـجل الكرامه ما ذخرنا المصاري

والله يكثر طيب الرأس والجيد
الي تدل مع الدجاء كل ساري

#الشاعر_ناصر_غالب_التميمي