من يرخصك بالتجاهل اكرمه بالرحيل
ومن يقطعك بالمواصل احذر تواصله .

اليا عجزوا عنك الرياجيل جابوا
خبلٍ من اربوعك وخلوه لك ند .

عسى مِقبِل الأيام يسر و رخا و افراج
وعسى ما مضى يمحاه عفوّه وغفرانه

وإن حكى بـ إسلوبه العذب الرزين
يـسرق .. من الجوف قلبٍ يسمعه

التواضع والكرم باب توفيق وقبول
والحسد والبخل يفسد حياتك كلًها

وش عاد باقي من حقوق الرفاقة
وأنا اسمع الحيّين تغتاب الاموات

نستحي ونحط للعشره قدر
ونبتلي في عالمٍ ما تستحي .

الناس ... ما هـمَّها ظروفكْ
كود الذي . يــ حزن لـغمّكْ

وإن شلت حملك على كتوفكْ
بــ تموت ما احدٍ ترى يـمّكْ

الكرامه عندي اغلا من الكون الفسيح
اعتبرها في ضميري مثل فرض الصلاه .

التغاضي عن عيوب الناس نوع من الذرابه
والدليل .. إن العيون المبصرة ماهي كريمه

عسى الله يكثر خير ابو مرحبا واهلين
راع المجلس اللي مابعد صك بيبانه

تَرى غناة النفس هِي أصَدق غناه
و ترى جمَال الشيء مَاقل و نِدر..

ليتني كل ما مريت في باله
ادري اني على باله ومريته

الثوب لامن ضاق يستبدل بـ ثوب
بس الصدر لاضاق وشهو بديله .

الليّ خذلنا مانعيد الرجا فيه
لو هو بجنب اكتافنا مانشوفه .

عيّت تخلينا المقادير نرتاح
نسوقها واللي على الله على الله

جعلني لاجيت للناس محبوب
وجعلني لاغبت مذكور بالخير .

كم حاجه أرخصتها لاجل مبداي
راحت وأنا بتطيح كبدي عليها

كلمةٍ ما تجمع الشمل و تعز الصفوف
من نقلها ، طبعه أردى من اللي قالها .

ماتحسفنا على فعل الجميل
نعتبرها في الردي مثل الزكاه