علاج الكبود من التوجّاد تل الجيب
وفرقى الغثى ومداحم الناس والسجّه .

والله إنه لو تغلاّ .. سيد الأحباب غالي
كل غصنٍ فالمحبة ينحني له من علوّه .

ما يسلي خاطري من ثقيلات الهموم
' كون جوٍ تنقطع ذبذبة الارسال فيه ' .

قفل مجالات الزعل والضيقه اللي ماتروح
والعين عوّدها ' على الفلّه ' وفل حجاجها .

تدمى وجيهن ماتهاب المواجه
وتسلم وجيهن همها كيف تسلم .

قدمت لصدوف المقادير عربون
مع راحتي وقتي وضحكة سنوني .

يانفس أكرمي من فيض طنخه و فقرة جيب
على الطيّبين .. لخاطر الطيّب اتجهي

عسى الله يبيّض وجهي اللي يحبّ الطيب
وعسى الله يبيّض وجه من بيّضوا وجهي .

يالله بحظٍ ( ما يخليني اطيح )
وان طحت مايدري حدٍ عن مطيحي .

النوم سباي المراجل والارزاق
ياقل نوم مدورين المكاسيب

ان كان ماجاك الولد نومه اشفاق
تحرم عليه مشوهقات المراقيب .

إن كان لك حاجة ولا لك قدرة
لك ربّ له قدرة ولا له حاجة .

لا شفت برق الحسد بعيون حسادي
تقوى عزومي وعين الحاسد اعميها

اثبت ثبات الزمن هجري و ميلادي
و تموت الأنذال مالد النظر فيها .

احيان ودك تكون بكلمتك واعي
ترا السوالف مع الجلاس منقوله

لا تذكر اشياء قيلت مالها داعي
ما كل شيٍ سمعته .. لازم تقوله .

صاحو تناخو دوروبي عذاريب
تجمعو ليلة وزى سولفو بي

اثري مسوي بالقلوب الاعاجيب
وانا مثل وجه السما نقش ثوبي

انا وسيع ابطان راهي مطاليب
ما اضيق لوشانت نوايا دروبي .

على كثر مازليت ليلحين فيني دين
اسوي ذنوب كثار واصوم واصلي

انا إنسان واحد عاشوا بداخله أثنين
الأول مطوع ' ولكن ' الثاني امولي .

خل صدرك على جور الليالي وسيع
واعرف ان كل عسرٍ مقتفيه : اليّسر

ولاتحسف على طيبك لو انه يضيع
راعي الطيب رابح لو خسر ما خسر .

الوقت ماله دور فالشر والخير
ياللي تقول الوقت سوا وسوا

الدور للي ف يديه المقادير
اللي كفل ذرية آدم وحوا .

لا تتعب ورى اللي ما ورا عرفهم نوماس
ولا تستحي من ناس ( ماهيب مستحيه)

لو ان الحيا مثل ( الشعر ) في وجيه الناس
لقيت اكثر العالم لا شارب ولا لحيّه .

فالمواقيف العداء مالها غير الغبون
رقمنا الأول لو ان العداء ما ودها

الشياطين الحمر لا حظرنا يركدون
وإن عصتنا غصب تخضعلنا ونحدها .

يـ ابيض الوجة مايلحقْك مني ملام
وانا لانيب لا راضي ولاني ضجر

النفوس العزيزه ترفض الأنتقام
تحتسب للجميل وتحتسب للأجر

لا يموت الغلا ويشح حتى الكلام
بين قلبٍ رهيف وبين قلبٍ حجر

وان تهاونت بالفرقاء عليك السلام
وحشة اليل تقتلها صلاة الفجر .

هذا وانا من شانك احط واشيل
وادور الصعبه واجي في نحرها