كان بعد أداء هايل زي ده وكم الفرص اللي صنعها في الماتش والجولين اللي سجلهم عادي تلاقي ناس بتقولك رونالدو إنتهى عشان معملش دريبلنج، الراجل ده بعد كل حاجة مأخدش التقدير اللي يستحقه

الواحد مفتقد ستوريز بنزيما والله، كان بلطجي

ريال مدريد سجل أجوال عظيمة السنة دي من برا المنطقة، عاوزين جولين منهم ولا حاجة في الإتحاد

متشوق أشوف ميليتاو جنب روديجر، متأكد إننا هنشوف ثنائية دفاعية ترجعنا لأيام بيبي وراموس

كدة روديجر مش هيعرفك يعني؟

كداب ودجال وشيخ منصر
لعيبته جروا أكتر من لعيبتنا في بيرنابيو رغم إن معدل أعمارنا أقل وإحنا مرتاحين أكتر

بيلينجهام إتصاب
بعدها أتوقف
ومعاه إصابة قديمة في الكتف
وقعد أسبوعين بعد التوقف على ما لعب ففقد الرايم
غير إن كارلو لعبه مهاجم ضد سيتي وده مركز جديد
كل الظروف بتقول إن عادي يعمل ماتش وحش، بس الناس شككت في أقوى مرشح للبالون دور عشان ماتش، عموماً واثق إنه هيرجع وهيسكت كل مشكك

ماتشين على التوالي عامل فيهم أحسن تسعة في العالم زي الأطفال، سيطرة تامة، معتقدش في مدافع في العالم أفضل من روديجر

مش مهم، المهم إن كلنا عارفين مين الثنائي الأسوء بينهم

مفيش جدال، أنا شوفت الجول حوالي ١٠٠ مرة لحد دلوقت ومشبعتش منه ولو للحظة، من أحلى الأجوال اللي شوفتها لايف

فايتكم نص عمركم عموماً

تخيل نفسك مكان لعيبة ڤولڤسبورج وشوفت الريأكشن ده على شاشات الملعب بعد ما توعد لك أسبوع وسجل عليك جولين في ربع ساعة، ما لازم العيال تترعب وتسيبه يحط هاتريك طبعاً، الراجل لغة جسده بتقول يا أنا أتأهل يا أنتوا تموتوا فطبيعي هو يتأهل

كان نفسي أشوف الثنائية دي وتحتهم تشابي ألونسو

التركاية دي فشيخة الحقيقة ونتيجة الجيم منعت الناس تديها حقها
وهيبان تأثيرها أكتر لما ووكر يرجع يلاقي نفسه مع رودريجو اللي مش هيدخل معاه سباق سرعة وهياخده على الثابتة وڤينيسيوس هيتسابق مع السلاحف أكانچي ودياز، ففكرة ذكية من كارلو بس هتأثر على بيلينجهام

ڤينيسيوس ورودريجو طالعين بمرتدة ضد دفاع السيتي كامل لوحدهم ووصلوا من مرمانا لمرماهم وكان بينهم وبين الجول إنشات، عيلين إرهاب، الإتنين لوحدهم كابوس ضد أي فرقة وأي دفاع

تلاتة حاملين بالون دور مع مدريد من نهائي أبطال ضد أقوى دفاع في أوروبا وقتها وقتها أربعة كأنه حصة تدريبية
أنا معرفش أنت بتشجع مين بس أياً كانت فرقتك فمستحيل يكون فيها صورة أعظم منها.

أفضل قائد ومدافع في تاريخ النادي
شايل أفضل لاعب في تاريخ مدريد وهو فاتح دراعاته للجمهور في لحظة تجلي
بعد ما سجل هاتريك فتح لنا بوابة إحتلال أوروبا ألف يوم
من أهم ١٠ صور في تاريخ مدريد الحديث

الريمونتادا على ڤولڤسبورج بدأت من أول ما الكاميرا جت على كريستيانو وقت النشيد
وهز راسه في إيمائة معناها إننا هنصعد وقد كان عشان كريستيانو عاوز كدة
أنا مشفتش رياضي جبروت كدة، ثقة وقوة وإرادة وإيجابية
كريستيانو هو الإنسان الخارق زي ما تصوره نيتشة بالظبط

كريستيانو قبل الماتش قال هنعبر وحط هاتريك
من هنا لعيبة مدريد تضاعفت ثقتها في نفسها ألف مرة عشان قائدهم الفني فحل
من هنا بدأت السيطرة على أوروبا ألف يوم بنزيما لو عمل بانينكا في الإتحاد وأحتفل وهو خسران فعشان زامل رونالدو سنين، ممتنين للأبد يا أسطورة