Aproveitando o verán de San Miguel, Martiño e Testa foron pasear á praia das Lapas, baixo a Torre de Hércules. Alí atopáronse cunha sorpresa que non dubidaron en compartir con todas e todos nós. Así comeza a #gamificación para este curso 2022 - 23 🔗 youtu.be/6Mn0K-E6Oa8

Non dubidamos en axudar a Pura. Un compromiso ecolóxico que desenvolverá en todas e todos nós unha conciencia sostible e ecolóxica.

Con este compromiso recibimos na nosa aula todo o material necesario para levar a cabo as distintas misións que irán desenvolvendo a nosa conciencia sostible e ecolóxica.

As comunicacións con Pura e as súas amizades, materiais das misións, etc. chegarán nunha bolsiña de tea e botella de vidro.

E unha credencial ecolóxica certificará os nosos avances nas misións. Nela, iremos pegando diferentes adhesivos das amizades de Pura, protagonistas de cada unha delas.

Moitas e moitos non lembramos un verán tan caloroso como o de este ano. Iso está provocando un aumento da temperatura dos nosos mares e océanos que poñen en perigo a vida de todas e todos os seres vivos que viven nel e del.

O aumento da temperatura das augas, tamén está provocando que nos visiten novas especies que non acostubabamos ver nas nosas costas. Este é o caso de Susa a medusa, a protagonista da primera misión.

Con ela descubrimos que hai moita xente nova no mundo que está moi preocupada polo coidado do medio ambiente e que o poñen en coñecemento de todas e todos grazas o movemento Fridays for future.